Аҧсны Аҳәынҭқарра Ахада

 

Ацҳамҭақәа

15.11.2021

Аслан Бжьаниа Александр Бортников ииубилеи идиныҳәалеит


Аслан Бжьаниа  Урыстәылатәи  Афедерациа  Ашәарҭадара  Афедералтә  Маҵзура  Адиректор Александр Бортников   70-шықәсаихыҵра идиныҳәалеит.

Аҳәынҭқарра Ахада ҭелла аицәажәараан иазгәеиҭеит  Александр  Бортников ипрофессионализм ҳаракы, имаҵзуратә уал анагӡараҟны еснагь иааирҧшуа аҭакҧхықәра, иара убас иуаҩышьатә ҟазшьақәа.

Аслан Бжьаниа иаҵшьны иҳәеит Аҧсны  Аҳәынҭқарреи  Урыстәылатәи Афедерациеи ашәарҭадара аусхк аҟны русеицура иамоу аҵак ду.

Ахада УА Ашәарҭадаразы  Афедералтә  Маҵзура   Адиректор изеиӷьеишьеит агәабзиара, инапы злаку аус аҿы аихьӡарақәа, аизҳазыӷьара.

Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org