Аҧсны Аҳәынҭқарра Ахада

 

Ацҳамҭақәа

06.10.2021

Аслан Бжьаниа Гагра ахы иақәиҭтәуижьҭеи 29 шықәса аҵра амш гаграа ирыдииыҳәалеит

Ҳаҭыр зқәу Гаграа, ҳаҭыр зқәу Аҧсны атәылауаа!
Гәык-ҧсык ала ишәыдысныҳәалоит ақырҭуа мпыҵахалаҩцәа рҟынтәи Гагра ахы  иақәиҭтәуижьҭеи 29 шықәса аҵра амш.Ари арыцхә Аҧсны аҭоурых адаҟьақәа рҿы  наунагӡа иаанхоит. Ахә ашьара уадаҩуп Арбџьар мчқәа Аиааира агараҿы ирылдыршаз. Ари ахҭыс ҟалеит 1992ш.жьҭаарамза 6 рзы.  Аҧсны Аџьынџьтәылатә еибашьраҿы аҧхьаҟатәи  Аиааира агара иашьагәыҭхеит,
ҳауаажәлар ргәамч шьҭнахит, аӷа ҳҿаҧхьа  дшымчыдаз шьақәнарӷәӷәеит.
Аҧсадгьыл ахьчаҩцәа рҿаҧхьа ҳхырхәоит.   Афырхацәа ргәалашәара лаша еснагь иҳацуп, иҭабуп ҳәа раҳҳәоит анацәеи абацәеи , аамҭа уадаҩ аҧышәара ахысра зылшаз, агәаҟра ӷәӷәа зхызгаз.
Абри аныҳәа амш азы Гагра араион атәылауаа ирзеиӷьасшьоит аҿиара, аҭынчра, аизҳазыӷьара. Нагӡара ақәзааит Аҧсынра!

Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org