30.12.2019
Рауль Ҳаџьымба Владимир Путин Ашықәс ҿыци Қьырса ныҳәеи идиныҳәалеит
Аҧсны Аҳәынҭқарра Ахада Рауль Ҳаџьымба Урыстәылатәи Афедерациа Ахада Ашықәс ҿыци Қьырса ныҳәеи идиныҳәалеит.
Адныҳәалараҟны, ҷыдала, иҳәоуп:
«Ҳаҭыр зқәу Владимир Владимир-иҧа!
Гәык-ҧсыкала ишәыдысныҳәалоит ҳазҭало Ашықәс ҿыци Қьырса ныҳәеи!
2019-тәи ашықәс азы аҧсны-урыстәылатәи аизыҟазаашьақәа алҵшәа бзиақәа рыман. Қәҿиарала аҿиара иаҿуп аҩаӡарақәа зегьы рҿы ҩ-ганктәи аполитикатә диалоги аусхкқәа зегьы рыҟны аусеицуреи.
Агәра згоит, имҩаҧысуаз аиҿцәажәарақәа ирыбзоураны, иалыршахаз аиқәшаҳаҭрақәа рынагӡара ҳтәылақәа рыбжьара астратегиатә усеицура аҧхьаҟагьы аизырҳара ишацхраауа.
Ҷыдала иазгәаҭазарц сҭахуп, Аҧсны Аҳәынҭқарра асоциалтә-економикатә ҿиара ацхраара иазку Шәара хаҭала шәылшамҭақәа.
Ҳаҭыр зқәу Владимир Владимир-иҧа, аныҳәақәа рыламҭалазы гәык-ҧсыкала ишәзеиҕьасшьоит агәабзиара, агәамч, аихьӡара ҿыцқәа, Урыстәыла жәлар зегьы – аҭынчра, аизҳазыҕьара».
