Ахада А.Г. Бжьаниа Аҧсны Аҳәынҭқарратә Шәарҭадара Амаҵзура Аҳәаахьчаратә гәыԥ аԥҵоижьҭеи 30 шықәса аҵра амш рыдиныҳәалеит
Аԥсны Аҳәынҭқарра Ахада А.Г. Бжьаниа Аҧсны Аҳәынҭқарратә Шәарҭадара Амаҵзура Аҳәаахьчаратә гәыԥ аԥҵоижьҭеи 30 шықәса аҵра амш рыдиныҳәалеит.
Ҳаҭыр зқәу аҩызцәа!
Ишәыдысныҳәалоит Аҧсны Аҳәынҭқарратә Шәарҭадара Амаҵзура Аҳәаахьчаратә гәыԥ аԥҵоижьҭеи 30 шықәса аҵра амш. Иахьа ҳара ҳзы аҵак ду рымоуп ахачҳара, афырхаҵара, аҭоубауреи ауаажәлари рыцәхьамҵра реиҧш иҟоу аилкаарақәа. Абарҭ аҟазшьақәа рныԥшуан есқьынгьы аҳәааҟны раҧхьа аӷа иҧыло, хеигӡарак ҟамҵакәа, иҿагыланы иқәҧо аҳәаахьчаҩцәа.
30 ш. раҧхьа, Аҧсназы имариамызт аамҭақәа раан Аҧсадгьыл акәша-мыкәша арра-политикатә ҭагылазаашьа уадаҩын. Шәарҭ зегьы ибзианы ижәдыруеит ҳаҧсадгьыли ҳауаажәлари зҭагылаз ашәарҭара. Агрессор иганахьала ҳҳәынҭқарра акәша-мыкәша ари ашәарҭара иахьа уажәраанӡагьы иҟоуп, аԥхьагьы игылоу шәара - Аҧсадгьыл ахьчаҩцәа шәоуп. Аҳәаахьчаҩцәа еснагь ирылшо зегьы ҟарҵоит иԥшьоу Ҳџьынџь аҳәаақәа кьыс рымамкәа рыхьчаразы. Аҧсны жәлар шәара шәпатриотизмреи шәыпрофессионализми рыгәра ргоит.
Акраҵанакуеит аҳәаахьчаратә усбарҭақәа русзуцәа реиҳабацәа иныҟәыргоз аҵасқәа иахьрықәныҟәо, ҳаҭырқәҵарыла ирзыҟоуп аветеранцәа, аҳәынҭқарратә ҳәаақәа ршәарҭадара алыршаразы, ацәгьоурақәеи, арҩашьыгатә маҭәахәқәа рыҭиреи, изакәаным егьырҭ аусқәеи рымҩаҧгара иаҿагылараҟны ақәԥареи ирзыку рҿаԥхьа иқәгылоу ауснагӡатәқәа
