26.08.2015
Аҟәа, 10.00
Ҳазҭоу ашықәс, нанҳәа 25 рзы Аҧсны Аҵәахырҭабанк Гагратәи аҟәша иақәланы арҳәра иҟалаз иазкын Ахада хантәаҩра ззиуаз Ашәарҭадаратә Хеилак аилатәара. Иазыӡырҩын Аҩныҵҟатәи аусқәа рминситр Беслана Ҳагба абри ацәгьаура аҭҵаара амҩаҧысшьа иадҳәалаз иажәахә.
Рауль Ҳаџьымба азинхьчаратә усбарҭақәа рнапы ианиҵеит хара имгакәа ацәгьоура аартразы ҳәоуеиқәшәарыла аусеицура арҕәҕәара.
Ахада иара убас адҵа ҟаиҵеит изакәанымкәа ихысуа абџьар аныҟәгара аҧыхра иазку апрофилактикатә усмҩаҧгатәқәа рынагӡаразы.
Иеиҿкаахо усмҩаҧгатәқәа рымҩаҧысшьа хылаҧшра аҭара идҵоуп Ашәарҭадаратә Хеилак Амаӡаныҟәгаҩы Муҳаммад Кьылба.