19.05.2015
Аҧсны Ахада Рауль Ҳаџьымба имҩаҧигеит Аҧснытәи аҳәынҭқарратә телерадиоеилахәыра (ААТРЕ) анапхгареи аколлективи рҧылара. Аиҧылара иалахәын иара убас Аҧыза-министр Артур Амқәаб, Ахада Иусбарҭа Анапхгаҩы Асҭамыр Ҭаниа.
Ирылацәажәан ААТРЕ аҟны имҩаҧысуа аусуреи аҧхьаҟатәи аҳасабтәқәеи.
Рауль Ҳаџьымба ААТРЕ анапхгареи аколлективи ҳәоуеиқәшәарыла, алҵшәазмоу аусура аиҿкааразы ажәалагалақәа, абжьгарақәа ҟаиҵеит.
Ахада иазгәеиҭеит хаҭала ААТРЕ аҩныҵҟа иқәгылоу апроблемақәа рыӡбара дшахылаҧшуа.
"Ҳара гәҭакыс иҳамоуп – Аҧсны ашьхаҳаракырақәа зеиҧшыҟам рыҧшӡара шәырбара, ҳтәыла ауааҧсыра реиԥш, адунеи зегьы аҟны ари аҧшӡара аҭҵааразы агәаҳәара рызцәыргара”.
