06.05.2015
Аҧсны Ахада Рауль Ҳаџьымба напхгара ззиуа аделегациа Ижевск ақ. аҿы (Удмуртиатәи Ареспублика, Урыстәылатәи Афедерациа) инеит.
Аҳаиртә баҕәазаҿы Рауль Ҳаџьымба иҧылеит Удмуртиатәи Ареспублика Ахада, Удмуртиатәи Ареспублика Аҳәынҭсовет Ахантәаҩы Владимир Невоструев, Удмуртиатәи Ареспублика Аиҳабыра Ахантәаҩы инапынҵақәа назыгӡо Андреи Сивцов, Удмуртиатәи Ареспублика Аҳәынҭсовет адепутат Андреи Ходырев, Адәныҟатәи Аусқәа Рминистрра Ахаҭарнакра Аҟәша анапхгаҩы Дмитри Бачериков.
Рауль Ҳаџьымба иусуратә визит аҳәаа иҭагӡаны имҩаҧысраны иҟоу аусмҩаҧгатә хадақәа азгәаҭоуп уаҵәы, лаҵарамза 7 ҳазҭоу ашықәсазы.
"Ҳара гәҭакыс иҳамоуп – Аҧсны ашьхаҳаракырақәа зеиҧшыҟам рыҧшӡара шәырбара, ҳтәыла ауааҧсыра реиԥш, адунеи зегьы аҟны ари аҧшӡара аҭҵааразы агәаҳәара рызцәыргара”.
