23.04.2015
Мшаҧы 23, 2015 шықәса. Аҵыхәтәантәи аамҭазы аҭоурыхтә-культуратә ҭынха аобиектқәа рыҧхасҭатәра афактқәа ахьырацәахаз инадҳәаланы, Ахада агәҭынчымра инаҭоит аҳәынҭқарра иахьчо Аҧсны аҭоурыхи акультуреи рбаҟақәа рсиа иаҵанакуа ахыбрақәеи аргыламҭақәеи рҭагылазаашьа. Рауль Ҳаџьымба азинхьчаратә усбарҭақәа адҵа риҭеит ари аус ахылаҧшразы, ахара зду ауаа аҭакҧхықәра рыдҵаразы. Акультуреи аҭоурыхтә-культуратә ҭынха ахьчарази Аҧсны Аҳәынҭқарра аминистрра иадҵоуп абаҟақәа рыхьчара асистема аиҕьтәразы ажәалагалақәа разырхиара. Хара имгакәа арҭ азҵаарақәа ирыхәаҧшуеит Ахада имҩаҧигараны иҟоу ҷыдалатәи аилацәажәараҟны.
"Ҳара гәҭакыс иҳамоуп – Аҧсны ашьхаҳаракырақәа зеиҧшыҟам рыҧшӡара шәырбара, ҳтәыла ауааҧсыра реиԥш, адунеи зегьы аҟны ари аҧшӡара аҭҵааразы агәаҳәара рызцәыргара”.
