Аҧсны Аҳәынҭқарра Ахада

 

Аԥсны Аҳәынҭқарра Ахада Аслан Бжьаниа Аконституциа амш инамаданы Аԥсны жәлар дрыдныҳәалеит.

26.11.2023

 Аԥсны Аҳәынҭқарра Ахада Аслан Бжьаниа Аконституциа амш инамаданы Аԥсны жәлар дрыдныҳәалеит.

Аԥсны Аҳәынҭқарра Ахада Аслан Бжьаниа Аконституциа амш инамаданы Аԥсны жәлар дрыдныҳәалеит.

Адныҳәалараҟны иҳәоуп:

«Ҳаҭыр зқәу ҳауаажәлар!

Ишәыдысныҳәалоит аҳәынҭқарратә ныҳәа - Аҧсны Аҳәынҭқарра Аконституциа Амш!

29 ш. раҧхьа, 1994 ш. абҵарамза 26 рзы Аҧсны Аҳәынҭқарра Иреиҳаӡоу Асовет асессиа 12-тәи ааҧхьараҟны ирыдыркылеит Аҧсны  Аҳәынҭқарра азакәан хада.  Аҧсны Аҳәынҭқарра Аконституциа жәлары зегьы рыбжьаҭарала иақәшаҳаҭны ирыдыркылеит 1999 ш. жьҭаарамза 3 рзы.

Ари азакәан хада Аҧсны аҭоурых ҿыц аҟны хадара зуа документны иҟалеит. Аконституциа ишьақәнаргылеит Аҧсны Аҳәынҭқарра исуверентәу идемократиатәу аҟазшьа, иарӷәӷәеит аҳәынҭқарра азинтә принципқәа, атәылауаа рзинқәеи рхақәиҭрақәеи хәдықәҵара рызнауит, иара убас иҳәаақәнаҵеит аҳәынҭқарратә усбарҭақәеи ауаажәарратә институтқәеи реилазаареи урҭ русеицуреи.

Аконституциа анормақәеи апринципқәеи шьаҭас иҟаҵаны, ҳҳәынҭқарра иалнаршеит ицәырҵуаз ашәарҭарақәа ириааины, жәларбжьаратәи азин ихьыԥшым асубиект аҳасабала азхаҵарахьы инагаз амҩа анысра.

Ҳтәылазы акрызҵазкуа абри амш аҽны Аҧсны жәлар ирзеиӷьасшьоит аҭынчра, аихьӡарақәа, акзаара, аизҳазыӷьара».




Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org