Аҧсны Аҳәынҭқарра Ахада

 

Аслан Бжьаниа астудентцәа Жәларбжьаратәи астудентцәа рымш рыдиныҳәалеит

17.11.2023

Аслан Бжьаниа астудентцәа Жәларбжьаратәи астудентцәа рымш рыдиныҳәалеит

Аԥсны Аҳәынҭқарра Ахада Аслан Бжьаниа Аԥсны иреиҳаӡоу аҵараиурҭақәа рыҟны аҵара зҵо астудентцәа зегьы Жәларбжьаратәи астудентцәа рымш рыдиныҳәалеит.

Адныҳәалараҿы иҳәоуп:

«Акыр иаԥсоу Аԥсны астудентцәа!

Гәык-ԥсык ала иишәыдысныҳәалоит Жәларбжьаратәи астудентцәа рымш.

1941 ш.абҵарамза 17 рзы афашизм иаҿагыланы иқәԥоз атәылақәа рахьтә астудентцәа жәларбжьаратәи реиқәшәараҿы ишьақәырӷәӷәан астудентцәа Жәларбжьаратәи рымш, аидгылареи акзаареи ирсимволны.
Адунеи аҟны имҩаԥысуа ахҭысқәа иаҳдырбоит 82 ш.раԥхьеиԥш, иахьагьы ҳарҭ зегьы абзиареи ацәгьареи рыгәҭа ҳашгылоу. Агәра згоит, Аԥсны астудентцәа, адунеи аҟны астуденттә еилазаарақәа реиԥш, ауниверсалтә ҵакы змоу абзиеи, аиашареи, аҿиареи адгылара шарҭо.

Астудентра аамҭа, аԥхьаҟатәи аԥсҭазаараҿы аихьӡарақәа ауасхыр анырзышьҭаҵахо аамҭоуп.

Аԥсны астудентцәа ирзеиӷьасшьар сҭахуп рзанааҭтә зыҟаҵара иахьынӡалшо аизырҳара.  Шәара иахьатәи шәеихьӡарақәа зеиԥшроу еиԥш ауп Аԥсны уаҵәтәи аԥеиԥшгьы шыҟало.

Аҵареи аҭҵаарадырреи рус аҟны ишәзеиӷьасшьоит ақәҿиарақәа, агәабзиара, агәамч!"


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org