Аҧсны Аҳәынҭқарра Ахада

 

Аҧсны Аҳәынҭқарра Ахада Аслан Бжьаниа Аҧсуа Федерациа Ахантәаҩы ихьӡала адныҳәалара ҟаиҵеит.

13.11.2023

Аҧсны Аҳәынҭқарра Ахада Аслан Бжьаниа Аҧсуа Федерациа Ахантәаҩы ихьӡала адныҳәалара ҟаиҵеит.

Адныҳәаларатә шәҟәаҿы иҳәоуп:

"Ҳаҭыр зқәу, Левенҭ!

Гәык-ҧсык ала ишәыдысныҳәалоит алхрақәа рыҟны ижәгаз аиааира. Ҭырқәтәыла еиҿкаау аҧсуа культуратә хеидкылақәа рфедерациа еиҳабыс шәахьалырхыз, ииашоу ӡбамҭоуп ҳәа сахәаҧшуеит.

Шәара аҭакҧхықәра ду зцу амаҵзура аныҟәгара гәрагарала шәнапы ианырҵеит. Агәыӷра сымоуп, шәдырреи шәҧышәеи ирыбзоураны, ҳдиаспореи ҳареи ҳаигәныҩра арӷәӷәара шшәылшо, иара убас Аҧсны Аҳәынҭқарреи Ҭырқәтәылатәи Ареспубликеи реизыҟазаашьа амҽхак арҭбааразы ишәылшо зегьы шыҟашәҵо. Аҧсны инхо аҧсуааиҬырқәтәыла иҟоу ҳџьынџьуааи реимадара аԥхьаҟагьы арҿиара аус дуӡӡа қәҿиарала анагӡара анцәа ишәаҭәеишьааит!

Аҧснынтә асалам ду шәзынаҭиуа, ишәзеиӷьасшьарц сҭахуп агәабзиара, агәамч, шәнапы иану аус ҧшьа аҟны аихьӡарақәа!

Шәҭоурыхтә ҧсадгьыл аҟны шәбара ҳаигәырӷьоит!".


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org