Аҧсны Аҳәынҭқарра Ахада

 

Аԥсны Ахада «Ауарашзауад «Аҟәатәи» 70 шықәса ахыҵра арыцхә инамаданы адныҳәалара ҟаиҵеит

30.10.2023

Аԥсны Ахада «Ауарашзауад «Аҟәатәи» 70 шықәса ахыҵра арыцхә инамаданы адныҳәалара ҟаиҵеит



Аԥсны Аҳәынҭқарра Ахада Аслан Бжьаниа «Ауарашзауад «Аҟәатәи» 70 шықәса ахыҵра иазкыз аныҳәатә усмҩаԥгатә даҭааит.

Адныҳәаларатә шәҟәаҟны иҳәоуп:

«Ҳаҭыр зқәу Амра Григори-иԥҳа, ҳаҭыр зқәу Ауарашзауад аусзуҩцәа»!

Гәык-ԥсык ала ишәыдысныҳәалоит акрызҵазкуа ари ахҭыс  – иахьа шәара иазгәашәҭоит 70-шықәсатәи аиубилеи!

1953 шықәсазы Аҟәа ақ. аҟны аусура иалагеит афатә ааглыхратә наплакы   – «Ауарашзауад «Аҟәатәи».  Азауад аԥызҵаз уи аусура аԥхьатәи амшқәа инадыркны ақәҿиарақәа раарԥшра иалагеит, аибашьра ашьҭахь ауадаҩрақәа шыҟазгьы, иахьагьы уи иамаз ахьӡ-аԥша мырӡкәа иааргоит.  
Омар Кәарҷиа ихьӡ иадҳәалоуп Аԥсны Аџьынџьтәылатә еибашьраан, шамахамзар, ихырбгалаз анаплакы аиҭеира. Хамеигӡарада аколлектив имҩаԥнагоз аусура иабзоураны, иара илшеит иаанкыланы иҟаз аусура арҿыхара.

Иахьа ари аус ацҵара шәылшеит, Шәара, Амра Григори-иԥҳа. Абас аҭакԥхықәра ду шәыжәҩа иқәлаз шәаҵамхакәа, Шәара ишәылшеит анаплакы еиқәырханы, иҭнажьуа аалыҵ ахаҭабзиара аиӷьтәрагьы, ахкы ацҵарагьы.

Шәара ишәылшеит аус иазҟазоу анапхгаҩы иаҳасабала ашьақәгылара: иаԥышәҵеит зегьы бзиа еицырбахьоу ауараши агаз змоу арыжәтәқәеи рыхкқәа асовет аамҭазтәи арецептура шьаҭас ирыҭаны. Азауад аалыҵ ахаҭабзиара ҳаракы агәра ргеит аҭыԥантәи ахархәаҩцәа реиԥш, ареспублика иаҭаауа асасцәагьы.

Иумбарц залшом, арҭ ашықәсқәа рыҩныҵҟала ауарашзауад анапхгара имаҷымкәа Аԥсны атәылауаа усурҭа ҭыԥла реиқәыршәара шалшаз. Иҭабуп ҳәа шәасҳәарц сҭахуп иара убас иааиԥмырҟьаӡакәа ареспубликаҟны имҩаԥысуа еиуеиԥшым асоциалтәи агәыҳалалратәи проектқәа шәахьрылахәу.
Иҿырԥшыгоу ҳтәыла анаплакы аколлектив зегьы ирыдысныҳәалоит аиубилеитә рыцхә. Шәнаплакы иазеиӷьасшьоит аизҳазыӷьара, аколлектив – ҳәоуеиқәшәарала аусура, анапхгара – агәамч, алшара зымҽхак дуу апроектқәа рынагӡараҟны.

Аԥсны аекономикатә ҿиараҟны ллагаламҭазы Аԥсны Ахада Аслан Бжьаниа «Ауарашзауад «Аҟәатәи» адиректор Ануа Амра Григори-иԥҳа иланеишьеит аорден «Ахьӡ-Аԥша» III аҩаӡара.


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org