Аҧсны Аҳәынҭқарра Ахада

 

Аҧсны Ахада Аҧсны арҵаҩцәа рзанааҭтә ныҳәа рыдиныҳәалеит

05.10.2023

Аҧсны Ахада  Аҧсны арҵаҩцәа рзанааҭтә ныҳәа рыдиныҳәалеит

Ҳаҭыр зқәу арҵаҩцәа!

Гәык-ҧсык ала ишәыдысныҳәалоит шәзаанаҭтә ныҳәа. Арҵаҩы имш - зеиӷьыҟам мшуп арҵаҩцәа рџьабаа агәаларшәаразы.

Шәзанааҭ аҵакы, шәхы-шәыҧсы шәамеигӡакәа имҩкҧыжәго шәусура ахә ашьара уадаҩуп. Шәара шәҵаҩцәа ирышәҭо адыррақәа рнаҩс, иреиҳау аҩаӡарахь амҩа ианышәҵоит. Шәара ишәыбзоураны аӡәырҩы аҧсҭазаараҿы рхатә ҭыҧ алырхуеит, ихьӡырҳәаганы иҟалоит иҟалоит дасу иалырхуа рзанааҭқәа рыҟны. Шәара аҿар реиҵааӡараҿы, адыррақәа рыҭараҿы, абиҧара ҿыцқәа рышьақәнылараҿы, Аҧсны аҧеиҧш бзиа ачаҧараҟны ишәылшо рацәоуп.

Арҵаҩцәа зегьы иҭабуп идуӡӡаны ҳәа шәасҳәоит шәџьабаазы, иаашәырҧшуа агәацҧыҳәаразы, ачҳаразы, шәусура ҭакҧхықәрала, ламысцқьала шәахьазнеиуазы. Ишәзеиӷьасшӷоит агәабзиара, агәамч, анасыҧ, ачҳара, шәнапы злаку аус ҧшьаҿы аихьӡарақәа.


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org