Аҧсны Аҳәынҭқарра Ахада

 

Шәача имҩаҧысит Аслан Бжьаниеи Владимир Путини реиҧылара

05.10.2023

Шәача имҩаҧысит  Аслан Бжьаниеи Владимир Путини реиҧылара

Владимир Путин Аслан Бжьаниа аҧсшәа иаҳәо, Аҧсны жәлар Аиааира 30 ш. ахыҵреи Ахьыҧшымра жәларбжьаратәи азхаҵара 15 ш. ахыҵреи рыдиныҳәалеит.

"Уажәааигәа ааигәа Аҧсны ҩ-ныҳәак азгәашәҭеит - Аиааира амши Ахьыҧшымра азхаҵара амши. Иааидкыланы ҳара ҳаҟны аҭагылазаашьа бзианы имҩаҧысуеит - иҳаҩсыз ашықәс азы атауареикәшара аизҳара иартәеит 73%. Урыстәылатәи Афедерациаҟны 64 регион инареиҳаны еиуеиҧшым ахырхарҭақәа рыла Аҧсны аусеицзура иадгылоуп , 200 инареиҳаны ҳзеиҧш наплакқәа аус руеит, - иҳәеит В. Путин.

Аслан Бжьаниа Владимир Путин иҭабуп ҳәа иаҳәо, иаҵшьны иҳәеит Аҧсни Урыстәылеи реизыҟазаашьақәа аҵыхәтәантәи аамҭазы еиҳа мҽхакы ҭбаала аҿиара иалагеит, имҩаҧысуеит ахырхарҭақәа зегьы еинырнааланы рыҿиара апроцесс, уи акырӡа иацхраауеит аҳәынҭқаррақәа рзеиҧш социал- економикатәии атәылахьчаратәи еизыҟазаашьақәа реизааигәатәра аус.

Иара убас Аҧсны Аҳәынҭқарра Ахада Аслан Бжьаниа Владимир Путин иҭабуп ҳәа иеиҳәеит ҩ-тәылауаҩрак риуразы аиқәшаҳаҭра инапы ахьаҵаиҩыз азы. "Ҳара иаҳҭахуп ҳдокументқәа ирну аиқәшаҳаҭрақәа рықәныҟәара. Иаҳҭахуп урыстәылатәи аган иаҧшьнаго аинтеграциатә процессқәа рыҽрылархәра, избан акәзар урҭ Аҧсны аинтересқәа шьаҭанкыла ирықәшәоит. Ҳара ҳзы уи акырӡа аҵанакуеит",- иҳәеит Аҧсны Ахада.


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org