Аҧсны Аҳәынҭқарра Ахада

 

Имҩаԥысит Аслан Бжьаниеи Алан Гаглоеви реиԥылара

30.09.2023

Аҳәынҭқарра Ахада Аԥсны жәлар зегьы рыхьӡала Алан Гаглоеви аладауаԥстәылатәи аделегациеи иҭабуп ҳәа реиҳәеит аныҳәатә усмҩаԥгатәқәа иахьрылахәыз азы.

«Ари аныҳәа ду аан Аԥсны шәыҟазаара иара амзызқәа амоуп. Ҳажәларқәа ирыбжьоу аизыҟазаашьақәа ҟазшьас ирымоу еилкаауп: шәара ҳара иашьаҵас шәҳаԥхьаӡоит. Убри аҟнытә иахьатәи аныҳәа шәыдаҳныҳәалоит. Шәыжәлар ахьҳадгылоу азы иҭабуп ҳәа шәасҳәоит», – иҳәеит Аслан Бжьаниа.

Алан Гаглоев Аслан Бжьаниа иҭабуп ҳәа еиҳәеит иҟарҵаз адкыларазы. «Ҳара ара аиашьаратә аԥсуа жәлар рааигәа аҟазаара ҳахәҭоуп ҳәа иҳаԥхьаӡоит. 30 шықәса рацәаӡам аҭоурых азы, аха арҭ ашықәсқәа рыҩныҵҟала Аԥсны жәлар рзы илахьынҵаӡбагаз азҵаарақәа рыӡбара алыршоуп. Иахьа шәаргьы ҳаргьы Аԥсны Аиааиреи Ахьыԥшымреи 30 шықәса ахыҵра азгәаҳҭоит. Аҵак ду амоуп ажәлар аҳәынҭқарратә усмҩаԥгатәқәа гәацԥыҳәарала иахьрылахәыз. 30 шықәса рыҩныҵҟа имҩаԥысуаз ахҭысқәа еицырхысит Аԥсны жәлари Аладатәи ауаԥс жәлари  рыжәҩахыр еибыҭаны, еидгыланы, ҳастратегиатә ҩыза иганахьала ҳхьыԥшымра азхаҵара ҳауит», – иҳәеит иара.


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org