Аҧсны Аҳәынҭқарра Ахада

 

Д. Медведев Аԥсны Ахада Аиааира амш идиныҳәелит

29.09.2023

Урыстәыла Ашәарҭадара Ахеилак Ахантәаҩы Ихаҭыԥуаҩ Д. Медведев Аԥсны Ахада Аиааира амш идиныҳәелит.

Адныҳәалараҟны, ҷыдала, иҳәоуп:

"Ҳаҭыр зқәу Аслан Гьаргь-иԥа,
Гәык-ԥсык ала ишәыдысныҳәалоит Аиааиреи Аԥсны Аҳәынҭқарра Ахьыԥшымреи рымш!

Абри амш аҽны ҳаҭырла иаҳгәалаҳаршәоит 30 шықәса раԥхьа зхы иақәиҭу аҳәынҭқарра аԥҵаразы азин ашьақәырӷәӷәара зылшаз аԥсуа жәлар рфырхаҵара.
Иахьа Аԥсны хьаҳәа-ԥаҳәарада ҳаамҭазтәи адемократиатә уаажәларра аԥҵара амҩа иануп.

Гәахәарала иазгәасҭарц сҭахуп ҩ-ганктәи ҳусеицура еиуеиԥшым ахырхарҭақәа рыла. Аидгыларатәи астратегиатәи усеицуреи хра злоу аҵас бзиақәеи шьаҭас иаҭаны Урыстәыла аԥхьаҟагьы аиашьаратә республика Аԥсны ашәарҭадареи аҿиареи ралыршараҟны ацхыраара ҟанаҵалоит.

Аслан Гьаргь-иԥа, гәыкала ишәзеиӷьасшьоит агәабзиара, аҳәынҭқарратә усураҟны аихьӡарақәа, Аԥсны жәлар зегьы – аҭынчра, аизҳазыӷьара.
Ҳаҭырла, Дмитри Медведев".



Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org