01.07.2023
Имҩаҧысит Аҧсны Аҳәынҭқарра Ахада Аслан Бжьаниеи Урыстәылатәи Афедерациа Ахада Владимир Путини ҭелла реицәажәара
Ахада гәыҩбарада азакәанреи аконституциатә леишәеи рышьақәыргылара иазку Урыстәылатәи Афедерациа анапхгара имҩаԥнаго аусмҩаԥгатәқәа адгылара шриҭо атәы иҳәеит.
Ҩ-ганктәи аусеицура инамаданы актуалра змоу азҵаарақәа рылацәажәараан аҳәынҭқаррақәа рхадацәа иазгәарҭеит зыҩаӡара ҳараку аимадарақәа шрыбжьоу, иара убас аҧхьаҟа урҭ рырӷәӷәарагьы ишазхиоу.
Ҷыдала хшыҩзышьҭра арҭеит арҭеит ахәаахәҭра-економикатә усхк аҟны ҩ-ганктәи аусеицуреи аинфраструктуратә проектқәа рынагӡареи ирызку атемақәа. Аицәажәара аҵак ду, аконструктивтә ҟазшьа аманы имҩаԥысит.
Аицәажәараан Аслан Бжьаниа Владимир Путин Аҧсныҟа ааҧхьара ииҭеит Аҧсны Аҳәынҭқарра жәларбжьаратәи ахьыҧшымра азхаҵара 15 шықәсеи Аиааиреи Ахьыҧшымреи 30 шықәсеи рхыҵра иазку аныҳәатә усмҩаҧгатәқәа разгәаҭара аҽалархәразы.
"Ҳара гәҭакыс иҳамоуп – Аҧсны ашьхаҳаракырақәа зеиҧшыҟам рыҧшӡара шәырбара, ҳтәыла ауааҧсыра реиԥш, адунеи зегьы аҟны ари аҧшӡара аҭҵааразы агәаҳәара рызцәыргара”.
