09.05.2023
Аслан Бжьаниа Приднестровиатәи Молдавиатәи Ареспублика Ахада Вадим Красносельски Аиааира амш идиныҳәалеит.
"Ҳаҭыр зқәу Вадим Николаи-иԥа!
Лаҵарамза 9 – ихадароу аныҳәақәа ируакуп. Ари амш аҽны ауаатәҩса афашизм ацәыхьчаразы иҭахаз миллионла асоветтә солдаҭцәа ҳгәалаҳаршәоит. Урҭ хгәалашәараҿы иҳацуп есқьынгьы.
Афашизм аиааира асоветтә жәлар иақәдырӡыз рацәоуп. Приднестровиатәи Молдавиатәи Ареспублика ауааԥсыра Аџьынџьтәылатә еибашьра дуӡӡа ашықәсқәа раан иаадырԥшит апатриотизм иаша, атәылауаҩратә еидгылара. Ҳажәларқәа аибашьра аамҭа хьанҭақәа раан адунеи зегьы иадырбеит иааишьа зқәым адоуҳамч, афырхаҵара дуӡӡа, ахачҳара.
Гәык-ԥсык ала ишәыдысныҳәалоит Аиааира амш!
Вадим Николаи-иԥа, абри аныҳәамш аҽны ишәзеиӷьасшьарц сҭахуп агәабзиара, арыцҳара, агәаҟра шәааигәа имнеиааит.
Приднестровиатәи Молдавиатәи Ареспублика ауааԥсыра зегьы ирзеиӷьасшьоит аҭынчра, анасыԥ, аизҳазыӷьара!
Аиааира амш ныҳәа шәыдысныҳәалоит!».
"Ҳара гәҭакыс иҳамоуп – Аҧсны ашьхаҳаракырақәа зеиҧшыҟам рыҧшӡара шәырбара, ҳтәыла ауааҧсыра реиԥш, адунеи зегьы аҟны ари аҧшӡара аҭҵааразы агәаҳәара рызцәыргара”.
