Аҧсны Аҳәынҭқарра Ахада

 

Ахада Кәыдры аӡиас аҟны аԥшаҳәарӷәӷәаратә усурақәа рцашьа гәаиҭеит

08.05.2023

Ахада Кәыдры аӡиас аҟны аԥшаҳәарӷәӷәаратә усурақәа рцашьа гәаиҭеит

Аҧсны Аҳәынҭқарра Ахада Аслан Бжьаниа агәаҭаратә ныҟәарақәа раан Кәыдры аӡиас аҟны аԥшаҳәарҵауларатәи аԥшаҳәарӷәӷәаратәи усурақәа рцашьа гәаиҭеит.
Аҧсны Аҳәынҭқарра Ахада Аслан Бжьаниа Ахада Ихаҭыԥуаҩ Бадра Гәынбеи, Администрациа Анапхгаҩы Џьансыхә Нанба, ШЬАУ аиҳабы Ҭемыр Агрба ицын Кәыдры аӡиас аҟны аԥшаҳәарҵауларатәи усурақәа ахьымҩаԥысуа аҭыԥ данаҭаа.

ШЬАУ Аиҳабы Ҭемыр Агрба иҳәеит ҳазҭагылоу аамҭазы Әчамчыра араион аганахьала Кәыдры аӡиас аҟны аԥшаҳәарӷәӷәаратә усурақәа шымҩаԥысуа.
«Ари сынтәа аусурақәа ахьымҩаԥысуа аҩбатәи ҭыԥуп. Ари аҭыԥ 1200 метра аҵанакуеит. Иҵегьы аусурақәа мҩаԥгахоит Гәылрыԥшь араион аганахьала х-ҭыԥк рыҟны 700 метрак рҟынӡа.
Агрба иазгәеиҭеит аԥшаҳәа арӷәӷәара аҭахуп иара убас даҽа ҭыԥк аҟны - 650 метр ак рҟынӡа, афымцамҩангага цәаҳәақәа ахьыҟоу».

Кәыдры аӡиас аҟны аԥшаҳәарӷәӷәаратә усурақәа рымҩаԥгара Ахада ицхыраагӡатә фонд аҟнытә иазоужьуп 63 млн мааҭ.

Аусурақәа мҩаԥысуеижьҭеи ҩымз ирықәуп, еиҭа убри аҟара имҩаԥыслоит.

Ҭ. Агрба иазгәеиҭеит Гәылрыԥшь араион Уарча ақыҭа аганахьала иара убас аԥшаҳәарӷәӷәаратә усурақәа шымҩаԥгаз, уи иазоужьын Ахада ицхыраагӡатә фонд аҟнытә 15 млн мааҭ.
" Аԥшаҳәарӷәӷәаратә усурақәа ирыҵанакуеит: адамбақәа рыргылара, аӡышьҭра арҵаулареи аӡышьҭра ариашареи. Ари аҭахуп анхарҭа ҩынқәеи аарыхырҭақәеи аӡы рыҵамларц азы», - иҳәеит Агрба.

Арҭ аусурақәа мҩаԥнагоит анардатә еиҿкаара ЗҲӘА "Неруд-Инвест". Ахада имҩаԥысуа аусурақәа  ибзиоуп ҳәа азиҳәеит.


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org