Аҧсны Аҳәынҭқарра Ахада

Аԥсны Аҳәынҭқарра Ахада Аслан Бжьаниа Москва усуратә визитла иҟазаараан УА Аиҳабыра ахантәаҩы ихаҭыԥуаҩ Александр Новаки УА Аекономикатә ҿиара аминистр Максим Решетникови дырԥылеит.

Аиԥыларақәа раан ирылацәажәеит афымцамч аусхк аҟны аусеицура азҵаарақәа, Аԥсны Аҳәынҭқарреи Урыстәылатәи Афедерациеи рыбжьара азакәанԥҵарақәа реинырнаалара апрограмма апунктқәа рынагӡара, аинвестициақәа радԥхьалара, аҳаиртә еимадара аиҭашьақәыргылара, агазыркра реиԥш иҟоу егьырҭ азҵаарақәагьы.