Аҧсны Аҳәынҭқарра Ахада

 

Аслан Бжьаниа Владимир Путин Жәлар ракзаара амш идиныҳәалеит

04.11.2022

Ҳаҭыр зқәу Владимир Владимир-иҧа!

Шәара аԥхьа шәнаргыланы, милаҭрацәала еилаҧсоу  Урыстәылатәи Афедерациа иқәынхо шәыуаажәларгьы ирыдысныҳәалоит Жәлар ракзаара амш.

Ари амш Аҧсадгьыл абзиабара символра азнауеит, милаҭла еиуеиҧшым ажәлар ракзаара иазҳәоуп.
Иахьа, Урыстәыла ашәарҭара аамҭеи аҧышәара уадаҩи ирҭагылоуп. Урыстәыла амилаҭ рацәа реидгылареи ракзаареи урыстәылатәи ар мчқәа ргәы ашьҭыхра алдыршоит, атәыла анапхгара урҭ рҿаҧхьа иқәдыргыло ахықәка рынагӡараҟны иагьцхыраагӡахоит.

Аԥсны Аҳәынҭқарра адәныҟатәи аполитика ахырхарҭа хаданы иҟан ус иагьыҟалоит Аԥсны Аҳәынҭқарреи Урыстәылатәи Афедерациеи реиҩызаратә еизыҟазаашьақәа.
Ҳаҭыр зқәу Владимир Владимир-иԥа, гәык-ԥсык ала иҭабуп ҳәа шәаҳҳәоит Аԥсны асоциалтә-економикатә ҿиара, арегионалтә шәарҭадареи, ҳажәларқәа рыбжьара акультуратәи агуманитартәи еимадарақәа рырҭбаара  азҵаарақәа зҿлымҳара ирышәҭо азы.
Владимир Владимир-иԥа, абри аныҳәамш азы Шәаргьы Урыстәылатәи Афедерациа иқәынхо ауааԥсыра зегьи ишәзеиӷьасшьоит агәабзиара, аизҳазыӷьара, аҭынчра.


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org