Аҧсны Аҳәынҭқарра Ахада

 

Аԥсны Ахада Беларус Ареспублика Ахадеи иареи реиԥыларазы иҟаиҵаз ахҳәаа

28.09.2022

Аԥсны Ахада Беларус Ареспублика Ахадеи иареи реиԥыларазы иҟаиҵаз ахҳәаа

Ихыркәшоуп Пицунда аҳәынҭқарратә дачаҟны имҩаԥысуаз  Аҧсны Аҳәынҭқарра Ахада Аслан Бжьаниеи Беларус Ареспублика Ахада Александр Лукашенкои реиҧылара.

" Беларус Ареспублика Ахада Александр Лукашенко Ихьыҧшым Аҧсны Аҳәынҭқаррахь раҧхьатәи иаароуп . Ари авизит акыр агәыӷрақәа адаҳҳәалоит. Агәра згоит ари иабзоураны ҳаизыҟазаашьақәа еиҳа иццакны аҿиара ишалаго. Ҳара ҳрылацәажәеит аекономикатә ҟазшьа змоу азҵаарақәа жәпакы. Сгәы иаанагоит Аҧсны Аҳәынҭқарреи Беларус Ареспубликеи иахьа ишьақәгыло реизыҟазаашьақәа аҿиара бзиа роуеит ҳәа", - азгәеиҭеит Аслан Бжьаниа.
Беларус Ареспублика Аҧсны Аҳәынҭқарра  Ахьыҧшымра азхаҵара азҵаара ахҳәаа азуа, аҳәынҭқарра Ахада  иҳәеит: "Беларус Ареспублика Ахада  Аҧсныҟа иаара афакт иаҳәо рацәоуп - ҳазҭагылоу аамҭазы ҳаизыҟазаашьақәа аҟазшьа ҿыцқәа аархәоит, ҳаимадарақәа еиҳа ирццакны аҿиара иалагоит. Агәыӷра сымоуп шьаҿа-шьаҿа уи ҳшазнеиуа. Ари азҵаара аҭак саҧыҩлар сҭахым, аха ари аҩн ду раҧхьатәи ақьырмыт азышьҭаҵоуп. Ари аҩыза афакт аҭыҧ амоуп. Аиҧылара бзианы имҩаԥысит".

Иахьа ахәылбыҽха Беларус Ахада Александр Лукашенко ивизит хыркәшаны,  дхынҳәит.


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org