Аҧсны Аҳәынҭқарра Ахада

 

Ахада аилацәажәара мҩаԥигеит аекономика азҵаарақәа ирызкны

10.08.2022

Ахада аилацәажәара мҩаԥигеит аекономика азҵаарақәа ирызкны

Аԥсны Аҳәынҭқарра Ахада Аслан Бжьаниа иактуалтәу аекономика азҵаарақәа ирызкны аилацәажәара мҩаԥигеит.

Амшхәаԥштә аҟны иқәгылан афымцамч, асоциал-економикатә ҿиара азҵаарақәа.

Аилацәажәара иалахәыз урыстәылатәи аиуристтә хаҿқәа рганахьала Аԥсны Аҳәынҭқарра адгьылҵакыраҟны аинвестициатә проектқәа рынагӡара иазку Аԥсны Аҳәынҭқарра Аиҳабыреи Урыстәылатәи Афедерациа Аиҳабыреи ирыбжьоу Аиқәшаҳаҭра апроект иахцәажәеит.


Аҳәынҭқарра Ахада аиҳабыра алахәцәа ирыдиҵеит ари адокумент урыстәылатәи аган алархәны шьаҭанкыла аус адулара.

Аиԥылара иалахәын Ахада Ихаҭыԥуаҩ Бадра Гәынба, Аԥыза-министр Александр Анқәаб, Ахада Иадминистрациа Анапхгаҩы ихаҭыԥуаҩ Зураб Қаџьаиа, аԥыза-министр ихаҭыԥуаҩ, аекономика аминистр Кристина Озган, ашәахтәқәеи аизгақәеи рминистр Џьансыхә Нанба.
--


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org