Аҧсны Аҳәынҭқарра Ахада

Аԥсны Аҳәынҭқарра Ахада Аслан Бжьаниеи Дмитри Медведеви еиуеиҧшым ахырхаҭрҭақәа рыла  ҩ-ганктәи аимадарақәа ирызкыз азҵаарақәа ирылацәажәеит

Урыстәылатәи Афедерациа Ахада москватәи ирезиденциа "уГорки-9" аҟны имҩаҧысит Аслан Бжьаниеи Урыстәылатәи Афедерациа Ашәарҭадара Ахеилак ахантәаҩы ихаҭыҧуаҩ Дмитри Медведеви реиҧылара.

Аиҧылараҟны ирзааҭгылан еиуеиҧшым аусхкқәа рыҟны ҩ-ганктәи  аусеицура иадҳәалаз азҵаатәқәа.

Дмитри Медведев иазгәеиҭеит, Ареспублика аҿиара ишаҿу, жәларбжьаратәи апозициақәа рыҽшдырӷәӷәо. Урыстәыла мҽхакыҭбаала  аусеицуразы иагаз ахыдҵақәа нхарҭәааны рынагӡара иаҿуп, Аҧсны асоциал-економикатә ҿиареи ашәарҭадара реиқәырхареи рзы зыда ԥсыхәа ыҟам ацхыраара ҟанаҵоит.

Аганқәа азааҭгылеит Аҧсны асанитартә-епидемиологиатә ҭагылазаашьа шҭышәынтәалоу урыстәыла-аԥснытәи аҧсуа хәышәтәҩцәа ирыбзоураны.

Жәларбжьаратәи амшхәаҧштә азҵаарақәа ирзааҭгыло,  Аслан Бжьаниеи Дмитри Медведеви ҷыдала хшыҩзышьҭра арҭеит Урыстәыла Украина имҩаҧнаго иҷыдоу аоперациа.

Урыстәылатәи Афедерациа Ашәарҭадаратә хеилак ахантәаҩы ихаҭыҧуаҩ  иҭабуп ҳәа ахиҳәааит иаарласны Аҟәа Донецки Лугансктәи жәлар рреспубликақәа рхьыҧшымра ахьазханаҵаз, иара убас адипломатиатә еизыҟазаашьақәа рышьақәыргыларазы. Медведев иазгәеиҭеит, Урыстәылатәи Афедерациеи Аҧсны Аҳәынҭқарреи рыбжьара азеиҧш социал-економикатә ҿиара апрограмма анагӡара аҳәаақәа ирҭагӡаны аусура иаанарҧшуа алҵшәа бзиақәа, аҧсны-урыстәылатәи  азакәанҧҵара аинырнаалара .ала.

Иара игәаанагарала, Аҧсны асоциал-економикатә ҿиареи урыстәылатәи абизнес азы аинвестициатә лшарақәа раартреи иацхраауеит
--