Аҧсны Аҳәынҭқарра Ахада

 

Ахада Аҳәынҭқарратә бираҟ амш азы адныҳәалара ҟаиҵеит

23.07.2022

Аԥсны Аҳәынҭқарра Ахада Аслан Бжьаниа Аҳәынҭқарратә бираҟ амш азы адныҳәалара ҟаиҵеит.

"Ҳаҭыр зқәу ҳауаажәлар,

Ишәыдысныҳәалоит Аԥсны Аҳәынҭқарратә бираҟ амш!

30 шықәса раԥхьа, 1992 шықәса ԥхынгәымза 23 рзы, ауаажәларра-политикатә ҭагылазаашьа шыуадаҩызгьы, Владислав Григори-иԥа Арӡынба хантәаҩра ззиуаз Аԥсны Иреиҳаӡоу Асовет, ишьақәнарӷәӷәеит Аԥсны Аҳәынҭқарра асимволика - Аҳәынҭқарратә бираҟи Аҳәынҭқарратә герби. Ари иахьатәи аҳәынҭқарра аҭоурых аҟны акырӡа зҵазкуа рыцхәуп.

Аҳәынҭқарратә бираҟ символра азнауеит Аԥсны Аҳәынҭқарра асуверенитети ахьыԥшымреи, уи иамоу аҭоурых дуӡӡа, ибеиоу аҭынха, абиԥарақәа реимадара, еиднакылоит милаҭрацәала еилоу ҳажәлар.

Ҳбираҟ иаҵагыланы ицон Аԥсадгьыл ахьчаҩцәа рыдгьыл гәакьа ахақәиҭтәразы, аҭынчразы. Уи иацуп хьӡи-ԥшеи згым ҳаибашьцәа рфырхаҵареи 1992-1993 шш. Аԥсны Аџьынџьтәылатә еибашьрайны иаҳгаз Аиааиреи. Ҳтәылаҟны имҩаԥысуа аҵак ду змоу ахҭысқәа, аихьӡарақәа мҩаԥысуеит ҳбираҟ аҵаҟа, иара убас уи рыцуп есқьынгьы ҳажәлар ицәырҵуа ашәарҭарақәа риааиразы иангыло.

Акыр иаԥсоу ҳауаажәлар, ари амшныҳәа ду азы ишәзеиӷьасшьоит аҳәоуеиқәшәара, аманшәалара, еизҳазыӷьалааит ҳ-Аԥсныра!


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org