Аԥснытәи аделегациа Ҭаҭарсҭан Ареспублика Аинвестициатә ҿиара аусбарҭа иаҭааит

Аԥснытәи аделегациа Ҭаҭарсҭан Ареспублика Аинвестициатә ҿиара аусбарҭа иаҭааит

Аҧсны Аҳәынҭқарра Ахада Аслан Бжьаниеи аҧсуа делегациа алахәцәеи Урыстәылатәи Афедерациахь русуратә ныҟәара аҳәаақәа ирҭагӡаны, иахьа, Казан Аинвестицитә ҿиара аусбарҭаҟны Ҭаҭарсҭан Ареспублика иамоу аинвестициатә лшарақәа рбартә аҭагылазаашьа рыман.

Аусбарҭа анапхгаҩы ихаҭыҧуаҩ Марина  Епифанцева еиҭалҳәеит, аекономикеи акультуреи рхырхарҭала атәыла злабеиоу, еицырдыруа излаҟоу.

"Аҧсны Аҳәынҭқарраҿы ҳгәы иҭоуп Ҭаҭарсҭан аинвестициатә ҿиара амаҵзура еиҧшу, абас еиԥш аҵак ду змоу аусура назыгӡо атәыла арҿиара иазку Акорпорациа.Ҳара гәахәарыла иҳадаҳкылоит шәԥышәа, шәдыррақәа, урҭ ҳтәыла аинвестициатә лшарақәа рырҿиараҟынгьы ҳхы иаҳархәаразы", - ҳәа азгәеиҭеит Аслан Бжьаниа.

Аԥсны Ахада ҷыдала азҿлымҳара аиҭеит Ҭаҭарсҭан аекономикатә зонақәа русурақәа, иаҳҳәозар, ареспубликаҟны иҟоу Иннополиси IT-ахырхарҭақәеи.

Аԥсны Аҳәынҭқарра аделегациа иара убас иазԥхьагәанаҭоит арегион аҟны иҟоу аԥхьагылара змоу ааглыхрақәа жәпаки Ҭаҭарсҭан акультуратә ҵакы змоу аҭыԥқәеи рҭаара.


Возврат к списку