Аҧсны Аҳәынҭқарра Ахада

 

Ахада Иакуб Лакоба иԥсҭазаара иалҵра инамаданы адышшылара ҟаиҵеит

11.07.2022

Аԥсны Аҳәынҭқарра Ахада Аслан Бжьаниа Иакуб Лакоба иԥсҭазаара иалҵра инамадны иуацәеи иҭынхацәеи дрыдышшылеит.

Гәалсра дула исыдыскылеит Иакуб Уасил-иԥа Лакоба иԥсҭазаара  иалҵра.

Иакуб Уасил-иԥа акрызҵазкуаз ахәынҭқарратә зҵааарақәа рзы зхатә гәаанагара змаз, иаартны изҳәоз иналукааша политикын, уаажәларратә усзуҩын. Аԥсны Жәлартә Партиа аԥхьагылаҩны иҟазаарааан илшаз маҷӡам ҳтәыла апартиатә система аҿиараҟны.
  
  
Иакуб Уасил-иԥа ахаангьы ҳаҭыр иқәын алеишәатә приципқәеи аидеалқәеи хьаҳәа-ԥаҳәарада дахьрыдгылаҩыз, ипринципқәа ахьеилеимгоз азы.

Уи игәалашәара лаша ргәаҿы инхоит дыздыруаз, иҩызцәа, иҭынхацәа.


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org