Аҧсны Аҳәынҭқарра Ахада

 

Аԥсны Аҳәынҭқарра Ахада Аслан Бжьаниа Аԥснытәи аҳәынҭқарратә музеи аинрал Абаза иаҳәаԥса аиҭеит

08.07.2022

Аԥсны Аҳәынҭқарра Ахада Аслан Бжьаниа Аԥснытәи аҳәынҭқарратә музеи аинрал Абаза иаҳәаԥса аиҭеит.

Аҳәынҭқарра Ахада Шьамтәылатәи ар аинрал-амаиор, иналукааша ауаажәларратә, аполитикатә усзуҩы Уалид Маршьан имшира аҽны ԥхынгәымза 8 рзы Абаза аинрал иаҳәаԥса Аԥснытәи аҳәынҭқарратә музеи аҭаразы азыӡба идикылеит.

Аҳәаԥса Аԥсны Ахада Аслан Бжьаниа ҳамҭас ииҭеит Уалид Маршьан иԥа Ҳалид Маршьан аҳәынҭқарра Ахада 2021 ш. лаҵарамзазы Шьамтәылатәи Арабтә Республика визит ҳасабла даныҟаз. Усҟан, аҳамҭа инапы ианаиркуаз, Ҳалид Маршьан иазгәеиҭеит аҳәаԥса Уалид Маршьан ишныҟәигоз арратә Академиаҟны иҵара даналга, аҭаацәа рызгьы акыр шаҵанакуа ареликвиа аинрал иҭоурыхтә ԥсадгьыл аҟны иҟазар.

   Аслан Бжьаниа ихьӡала аинрал Абаза иаҳәаԥса аҳәынҭқарратә музеи иаиҭеит аҭҵаарадырреи акультуреи рызҵаарақәа рзы Ахада иабжьгаҩ Нугзар Логәуа. Нугзар Логәуа иазгәеиҭеит аинрал Маршьан иҭаацәа Шьамтәылан даара ҳаҭыр шрықәу.

  "Ари аҳәаԥса Маршьанаа рҭаацәаразы реликвиоуп. Уалид Маршьани уи иҭаацәеи аруаан. Ахада Шьамтәылатәи Арабтә Республика визит ҳасабла данааҭаа, хьӡи-ԥшеи згымыз аинрал иҭаацәа Аԥсны Ахада Аслан Бжьаниа ҳамҭас ирҭеит. Ари ахҭыс асимволтә, акультуратә, аҭоурыхтә ҵакы амоуп ҳажәларқәа рзы.
Сгәы иаанагоит аҳәаԥса аԥсуа культура ахәышҭаараҟны - амузеи аҟны иахәҭоу аҭыԥ ааннакылап ҳәа", - иҳәеит Нугзар Логәуа.




  


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org