05.07.2022
Аҧсны Аҳәынҭқарра Ахада Аслан Бжьаниеи Лугансктәи Жәлартә Республика Ахада Леонид Пасечники ҭелла реицәажәара мҩаҧысит.
Аслан Бжьаниа Леонид Пасечник Лугансктәи Жәлартә Республика адгьылҵакыра ахақәиҭтәра идиныҳәалеит, агәыӷрагьы ааирҧшит Урыстәылатәи Афедерациа адгылара иабзоураны иаарласны аҭынч ҧсҭазаара шышьақәыргылахо азы.
Леонид Пасечник Аслан Бжьаниа иҭабуп ҳәа еиҳәеит Лугансктәи Жәлартә Республика Ахьыҧшымра азхаҵаразы, Аҧсны анапхгареи ажәлари иҟарҵо адгыларазы.
Аҧсны Ахадеи Лугансктәи Жәлартә Республика Ахадеи реицәажәараҟны иазгәарҭеит аҩ-ганктәи аизыҟазаашьақәа рырҿиара хымԥада ишаҭаху.