Аҧсны Аҳәынҭқарра Ахада

 

Аслан Бжьаниа Аҟәа ақалақь амш инамаданы адныҳәалара ҟаиҵеит

03.07.2022

Аҧсны Аҳәынҭқарра Ахада Аслан Бжьаниа Аҟәа ақалақь амш инамаданы адныҳәалара ҟаиҵеит.

Акыр иаҧсоу Аҟәаа!

Ишәыдысныҳәалоит Ақалақь амш. Ҳара ҳаҳҭнықалақь иамоу аҭоурых, аҭоурых-культуратә ҭынха ала даҽакы еиԥшӡам. Аҟәа иқәынхо ауаа ргәыблра, уи  иарҭо агәцаракра иабзоураны ақалақь аҿиара, аизҳазыӷьара амҩа иануп.

Зеиԥш ыҟам ҳақалақь иаҟәну аҧшӡара уаднамҧхьалар залшом, ҳтәылаҿы иара аҭыԥ ҷыдагьы ааннакылоит. Убри аҟынтә иахьатәи аныҳәа – зегьы иаҳзеиҧшу ныҳәоуп.

Бзиа иаҳбоит ҳара ҳаҭнықалақь, агәрагьы згоит, Аҟәа ашықәсҩыра еснагь хра злоу, ихиру ахҭысқәа рыла ишхаҭәаахало.

Абри аныҳәамш азы зегьы гәык-ҧсык ала ишәзеиӷьасшьоит аизҳазыӷьара, шәызлаго шәусқәа зегьы рыҟны аихьӡарақәа.

Аныҳәа шәадныҳәалаз, аҩызцәа! Ҳаҳҭнықалақь, уирамш удныҳәалаз!


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org