Аҧсны Аҳәынҭқарра Ахада

 

Аслан Бжьаниа "Абаза-ТВ" Адиректор хадеи аколлективи аиубилеи рыдиныҳәалеит

26.06.2022

Аслан Бжьаниа "Абаза-ТВ" Адиректор хадеи аколлективи  аиубилеи рыдиныҳәалеит

Аҧсны Аҳәынҭқарра Ахада Аслан Бжьаниа "Абаза-ТВ" Адиректор хадеи аколлективи  аиубилеи рыдиныҳәалеит.

Адныҳәалараҿы иҳәоуп:

"Ҳаҭыр зқәу Руслан Мкан-иҧа!

Ателеилахәыраҟны еидышәкылаз аколлективгьы Шәаргьы ишәыдысныҳәалоит "Абаза-ТВ" ателеканал аҧҵоижьҭеи 15ш. аҵра арыцхә.

2007 ш. рашәарамза 26 инаркны ихацшәыркыз шәусура қәҿиарала имҩаԥысуеит, ииашангьы ҳтәыла амассатә информациа ахархәагақәа рыҩныҵҟа аԥхьагылара змоу, шәхатә ҭыҧ ҷыда аанкыларагьы шәылшеит. Аефирахь шәҭыҵра аҧхьатәи амшқәа инадыркны аудиториа рацәа шәырҳаит.
Ихьыҧшым аҧсуа телеканал "Абаза-ТВ" иамоу аҩаӡара ҳаракы, аҳаҭыр Шәара хаҭала шәааҧсара, активра зныԥшуа шәпозициа, шәыпрофессионализм, иара убас аусзуҩцәа рырҿиаратә лшарақәа ирыбзоуроуп.

"Абаза-ТВ" аусураҟны иҟоуп хырхарҭала еиуеиҧшым адырраҭарақәа, ишиашоу ицо аефирқәа, аҵак ду змоу,иҵару атемақәа рыла еиҿкаау асиужетқәа. Гәахәароуп, шәусураҿы азҿлымҳара ду ахьрышәҭо аҵаралашаратә, апатриоттә ҵакы змоу апроектқәа.

Ҳаҭыр зқәу Руслан Мкан-иҧа, Шәареи "Абаза-ТВ" аусзуҩцәа зегьи ишәзеиӷьасшьоит еицакра зқәым арҿиаратә гәазыҳәара, аихьӡара ҿыцқәа, "Абаза-ТВ"  - аԥхьаҟагьы аизҳазыӷьара".


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org