24.06.2022
Аԥсны Аҳәынҭқарра Ахада Аслан Бжьаниа Аԥсны Аҳәынҭқарра иаҭааз Ареспублика Беларус Ахада Ихаҭарнак Ҷыда Виктор Шеиман дидикылеит.
Аганқәа аҩ-ҳәынҭқаррак рзы аҵакы змоу, евразиатәи аинтеграциазы иактуалтәу азҵаарақәа, аинвестициатә-економикатә усеицуразы алшарақәа уҳәа ирылацәажәеит.
Аиԥылара далахәын Аԥсны Аҳәынҭқарра Адәныҟатәи аусқәа рминистр Инал Арӡынба.
Виктор Шеиман Аслан Бжьаниа ииҭеит Ареспублика Беларус Ахада Александр Лукашенко иҟнытә агәаларшәагатә ҳамҭа.
Аҳәынҭқарра Ахада Аслан Бжьаниа иганахьалагьы Ареспублика Беларус Ахада ихьӡала агәыларшәагатә ҳамҭа ҟаиҵеит.
"Ҳара гәҭакыс иҳамоуп – Аҧсны ашьхаҳаракырақәа зеиҧшыҟам рыҧшӡара шәырбара, ҳтәыла ауааҧсыра реиԥш, адунеи зегьы аҟны ари аҧшӡара аҭҵааразы агәаҳәара рызцәыргара”.
