Аҧсны Аҳәынҭқарра Ахада

 

Аслан Бжьаниа Очамчыра араион аҟны аинвестициатә программа аобиектқәа рыргылара шымҩаԥысуа гәеиҭеит

18.06.2022

   Аслан Бжьаниа Очамчыра араион аҟны аинвестициатә программа аобиектқәа рыргылара шымҩаԥысуа гәеиҭеит

Агәаҭаратә ныҟәара аҳәаақәа ирҭагӡаны Аԥсны Аҳәынҭқарра Ахада Аслан Бжьаниа Очамчыра араион Мықә ақыҭаҟны Аинвестпрограмма иаҵанакуа аӡеизакырҭатә хыбра аргылара шымҩаԥысуа гәеиҭеит.

Аҳәынҭқарра Ахада хынтәуп аӡеизакырҭа ахыбра аргылара даҭаауеижьҭеи. Ара аусурақәа ирылагеит 2021 шықәса жьҭаарамзазы.
Шьаҭанкылатәи аргылара аусбарҭа аиҳабы Ҭемыр Агрба Аҳәынҭқарра Ахада адырра ииҭеит ҳазҭагылоу аамҭазы 500м3,зҭаӡо амкьаҭқәа ҩба рыргыларазы аусура шымҩаԥгоу, аӡымҩангагақәа шышьҭаҵоу, ишышьақәыргылоу:  Еизаку атрансформатортә аиҵастанциақәа, афымцацәаҳәақәа, аҵыргәақәа.
«Имҩаԥысуеит 1,2км иахьӡо иалку ахаламҩангага цәаҳәа 120-еи 35-и аибыҭаразы аусура. Иаахәоуп аӡҭыгагақәа зегьи аӡыраӡага гәашьақәа зцу аӡымҩангагақәеи. Аусура нхарҭәааны ахыркәшаразы иаҭахуп аԥыраргыла ашьақәыргылареи амкьаҭқәа рҭаҳәҳәареи, 22 ӡыҵхырҭа жтәуп, иара убас аобиект фымцала аиқәышәаразы аусурақәа хыркәшатәуп»,- иҳәеит Агрба, аобиект аҟны авидеохылаԥшыга ашьақәыргылара шазԥхьаӷәаҭоу  дазааҭгыланы.
Аусурақәа рзеиԥш харџьынҵа иартәоит 53 860 290 мааҭ.

Шьаҭанкылатәи аргылара аусбарҭа аусурақәа хнаркәшароуп ҳазҭоу ашықәс жьҭаарамзазы.

Ахада иазгәеиҭеит араион аҟны ас еиԥш аобиект аргылара иамоу аҵакы. «Аусурақәа мҩаԥысуеит ишьақәыргылоу аҿҳәара инақәыршәаны, аобиект Очамчыра ауааԥсыра ӡыла реиқәыршәара апроблема аӡбара иазкуп. Убри аан, иара ақалақь аҩныҵҟа ихаз аӡеихшарҭа система апроблемақәагьы ӡбаӡамкәа иҟоуп. Урҭгьы рыӡбара ҳалагоит», - иҳәеит иара.
Аҳәынҭқарра Ахада ицын Очамчыра араион Администрациа ахада Беслан Бигәааи Аргыларатә усбарҭа ахаҭарнакцәеи.

Иахьа аҳәынҭқарра Ахада иара убас дахәаԥшны ибеит Аҟәа-Очамчыра амҩа ду арлашаразы аусурақәа рцашьа.  Араҟагьы аусурақәа хацыркын 2021 шықәса цәыббрамзазы. Анардадкылаҩ хадас иҟоуп ЕАУ «Амшынеиқәафымцамч».

Аусурақәа рхарџьынҵа иартәоит 76 979 460 мааҭ. Ҳазҭагылоу аамҭазы ишьақәыргылоуп 605 баҩы, ашьаҟақәа, 570 ҵыргәа, 1060 плафон.
Ашәахьаҽны рашәарамза 20 рзы аргылаҩцәа нап адыркуеит иалку ахаламҩангага цәаҳәа аибыҭара.

Аспециалистцәа изларҳәо ала, аусурақәа хыркәшахоит 2022 шықәса жьҭаарамзазы.


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org