Аҧсны Аҳәынҭқарра Ахада

 

Ахада Урыстәыла Амш азы Владимир Путин дидныҳәалеит

12.06.2022

Аҧсны Аҳәынҭқарра Ахада Аслан Бжьаниа Урыстәыла Амш азы Урыстәылатәи Афедерациа Ахада Владимир Путин дидныҳәалеит.

«Ҳаҭыр зқәу Владимир Владимир-иԥа,

Аԥсны жәлар рыхьӡала, хаҭала сара сҟынтә ишәыдысныҳәалоит Урыстәыла амш азгәаҭара иазку аныҳәа.  ́
Акрызҵазкуа ари аҳәынҭқарратә ныҳәа амилаҭтә акра, қәҿиарала аҿаԥхьа иқәгылоу аҳасабтәқәа рыӡбара, ицәырҵуа ашәарҭара ҿыцқәа рҿагылара зылшо урыстәылатәи аҳәынҭқарра адура, амч символра рызнауеит.

Ари аҭагылазаашьа бзиа схы иархәаны, иазгәасҭар сҭахуп Аԥсны Аҳәынҭқарреи Урыстәылатәи Афедерациеи ирыбжьоу лыҵшәабзиала аҿиара иаҿу ганрацәалатәи аусеицура. Сара агәра згоит Аҟәеи Москвеи аԥхьаҟатәи ршьаҿақәа аилибакаареи аҳәынҭқаррабжьаратә диалоги есааира рыҩаӡара ашьҭыхра ишазкхо.

Ҳаҭыр зқәу Владимир Владимир-иԥа, акрызҵазкуа абри амш аҽны Урыстәылатәи Афедерациа ажәлар зегьы нашәыдкыланы ишәзеиӷьасшьоит аҭынчра, аизҳазыӷьара».


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org