Аҧсны Аҳәынҭқарра Ахада

 

Ахада 2022 шықәсазтәи акурорттә аамҭа иазкны инарҭбаау аилацәажәара мҩаԥигеит

08.06.2022

Ахада 2022 шықәсазтәи акурорттә аамҭа иазкны инарҭбаау аилацәажәара мҩаԥигеит

Аилацәажәара аартуа, аҳәынҭқарра Ахада иаҵшьны иазгәеиҭеит атуристцәа агәахәара рыманы рыԥсы ршьаразы, урҭ ршәарҭадара аиҿкааразы аҭагылазаашьақәа раԥҵара шаҭаху. «Иақәнагоу аилазаарақәеи аусбарҭақәеи дасу рнапы иану нхарҭәааны инарыгӡалароуп ҳтәыла иаҭаауа атуристцәа даҽазныкгьы аара рҭаххартә еиԥш», - иҳәеит Ахада.

2022 шықәсазтәи акурорттә аамҭа иазкыз аилацәажәараҟны ажәахә хада ҟазҵаз атуризм аминистр Ҭемраз Хышба иҳәеит 2019 шықәса раахыс атуристцәа рнырхара иазку аобиектқәа рхыԥхьаӡара 60% рыла ишазҳаз, рыԥхьарҭа ҭыԥқәа – 44% рыла.
«Ҳазҭагылоу аамҭазы ареспубликаҟны 683 нхарҭатә обиект ыҟоуп, урҭ 36 591 ԥхьарҭа ҭыԥ рымоуп» - иҳәеит Хышба. Ҵыԥх, уи иажәақәа рыла, урыстәылаа рзы Аԥсны Ҭырқәтәыла анаҩс аҳәаанырцә еиҳа изҭаауаз хырхарҭан, усҟан ареспублика иаҭааит 1,5 млн-ҩык атуристцәа. Ари аҩыза ҟамлацызт 1992 шықәса раахыс.

Атуризм аминистр мап ацәимкит адунеитә економика аҵыхәтәантәи ахҭысқәа инарымаданы сынтәа аԥхынтәи аԥсшьара ахә бжьаратәла 30% ишазҳауа.
Аслан Бжьаниа дазҵааит 2021 шықәсазы атуристтә усхк иазоужьыз аинвестициа амҽхак, иара убас шаҟа нхарҭатә обиекти усурҭа ҭыԥи еиҿкаау аԥхынразы 2022 шықәсазы. А. Бжьаниа Атуризм аминистрреи ашәахтәқәеи аизгақәеи рминистрреи рнапы ианиҵеит аҭыԥаҟны иҟоу аҭагылазаашьа агәаҭара, атуристцәа здызкыло, нхарҭала еиқәзыршәо ҿыц иргылоу асасааирҭақәеи агәабзиарчаԥарҭақәеи рзы адырра ирҭарц.
Ахада адҵа ҟаиҵеит ари аус аргыларақәа ахьымҩаԥысуа аҭыԥқәа рыҟны ақалақьқәеи араионқәеи рхадацәа адрыԥхьаларц.  Иара убас аҳәынҭқарра Ахада изықәнагоу аусбарҭақәа рыхшыҩ азишьҭит еиуеиԥшым аусхкқәа рыҟны ашәарҭадара аҩаӡара ашьҭыхра, ҷыдала, афатәтәи азинхьчаратәи шәарҭадара аусхкқәа рыҟны.
Аԥхынтәи акурорттә аамҭазы ААР ауаажәларратә зинтәлеишәа ахьчаразы имҩаԥнаго иҷыдоу аусмҩаԥгатәқәа дрылацәажәеит аҩныҵҟатәи аусқәа рминистр Вальтер Быҭәба.

Аслан Бжьаниа дазҵааит гагратәии гәдоуҭатәии Аҩныҵҟатәи аусқәа рраионтә ҟәшеи аҟәатәи Аҩныҵҟатәи аусқәа русбарҭеи аусуразы иахьынӡеиқәыршәоу.  Астатистика ала, имҩаԥысуа ацәгьоурақәа зегьы рахьтә 90% инареиҳаны арҭ араионқәа рыҟны имҩаԥысуеит. «Иҟоуп акадртә проблемақәа»,- иҳәеит аминистр Быҭәба, штатла аиқәмыршәара иааизакны 20% рҟынӡа шартәо азгәаҭаны.  

Ауаажәларратә  шәарҭадареи ацәгьоурақәа раартреи рзы аусура арӷәӷәара хықәкыс иҟаҵаны, аҳәынҭқарра Ахада адҵа ҟаиҵеит атуристцәа ахьнырхахо аобиектқәа рыҟны ашьклаԥшразы хымԥада акамерақәа рышьақәыргыларазы. Аслан Бжьаниа ари аусмҩаԥгатә иадшәыԥхьалароуп ҳәа рыдиҵеит араионқәа рхадацәеи, аҭыԥаҟны азинхьчаратә усбарҭақәа рнапхгаҩцәеи, асасааирҭақәеи агәабзиарачаԥарҭақәеи зтәуи.

Агәабзиарахьчара аминистр Едуард Быҭәба дазааҭгылеит ареспублика амедусҳәарҭақәа акурорттә аамҭа ишазхиоу атәы. Ахада Аслан Бжьаниа дазҵааит акурорттә аамҭазы амедусҳәарҭақәа реидара ахьынӡеизҳауа.  
Быҭәба иазгәеиҭеит аԥхын Аԥсны амедицинатә усбарҭақәа ишрыдҵаало 8-нызқьҩык рҟынӡа атәылауаа. «Амедицинатә усбарҭақәа реиқәыршәара аиӷьтәра хықәкыс иҟаҵаны, аҳәынҭқарра Ахада ицхыраарала иаахәан ацхыраара ласы автомашьынақәа быжьба. Акурорттә аамҭазы аусура иадԥхьалахоит урыстәылатәи аколлегацәагьы, ари аусеицура аус адулара иаҿуп Агәабзиарахьчара аминистрра», - иҳәеит аминистр Едуард Быҭәба.

Иҷыдоу аҭагылазаашьақәа рзы аминистрра имҩаԥнаго аусурақәа ртәы дазааҭгылеит   аминистр Леуа Кәыҵниа. Уи иазгәеиҭеит атуристцәа еиҳа изҭаауа араионқәа рыҟны ацхыраара ласы амедицинатә постқәа ԥшьба реиҿкаара шаҭаху.  

Аилацәажәара хыркәшо, Аслан Бжьаниа иазгәеиҭеит ареспубликатә мҩа ду ҷыдала хылаԥшра шаҭатәу. «Амҩатә згәаҭа ашәарҭадара анормақәа ирықәшәозароуп. Уи адагьы, амҩанымҩахыҵ аҭыԥқәа иааиԥмырҟьаӡакәа ирыцқьалатәуп»,- иҳәеит Ахада.

Аҳәынҭқарра Ахада аусбарҭақәа акурорттә аамҭа разыҟаҵара ахә ишьеит ицәгьам ҳәа. Убри аангьы АА ААР Аҳәынҭавтоинспекциа аганахьала игәы шынамӡо азгәаҭаны, аусура еиӷьтәтәуп ҳәагьы адҵа ҟаиҵеит.  
Аилацәажәара иалахәын Ахада Иадминистрациа анапхгара, Аминистрцәа реилазаара, ақалақьқәеи араионқәеи радминистрациақәа рхадацәа, атуробиектқәа рхаҭарнакцәа.

Апунктқәа рҭахра зыдҳәалоу амедусзуҩцәеи Иҷыдоу аҭагылазаашьақәа рминистрра аусзуцәеи ианаамҭоу ахҭыс ахьыҟало аҭыҧ аҿы анеира ахьзалмыршахо ауп. Ас еиԥш иҟоу апост Риҵатәи арелиқттә милаҭтә парк аҟны ишаҭахыз азгәеиҭеит Леуа Кәыҵниа.
Аслан Бжьаниа адҵа ҟаиҵеит ацхыраара ласазы апостқәа реиҿкаара ахарџьынҵа  хәыҧса шьақәдыргыларц агәаҟра иақәшәаз аҧсшьаҩцәа иаарласны ацхыраара рыҭаразы апроект анагӡара хықәкыс иҟаҵаны.
Аҧсны Аҳәынҭқарра Ашәарҭадара аҵзура аҳәаахьчаратә хәҭа аусуразы адырра ҟаиҵеит уи ахантәаҩы ихаҭыҧуаҩ, аҳәаахьчаратә усбарҭа аиҳабы Рустам Латипов.
Иара иазгәеиҭеит аҳәынҭқарратә аҧсны-урыстәылатәи аҳәаа иахысуа атәылауаа рхыҧхьаӡара ишазҳауа. Убри аангьы, 2022ш.  лаҵарамзатәи аныҳәақәа рзы иҟаз арбагақәа ҵыҧхтәи арбагақәа акыр ишрыҵахогьы.
  
Ҧсоу иҟоу Агәаҭаратә аужьратә пункт аусура ареиж ҧсахзароу, - иҳәеит Ахада. «Аужьратә пункт ырмариатәуп, ауаа рахысра ырманшәалатәуп», - ҳәа азгәеиҭеит Ахада.

Аҧсшьаратә аамҭа раҽшазыҟарҵо атәы иҳәеит аҳҭнықалақь ахада Беслан Ешба. Гагра араион администрациа ахада инапынҵақәа назыгӡо Адам Цышбеи Гәдоуҭа араион администрациа ахада Баграт Боџьгәуеи иара убас иалацәажәеит имҩаҧгоу аусурақәа ртәы, насгьы аҭыҧқәа рыҟны аҧсшьаратә аамҭа аҽазыҟаҵарақәа шымҩаҧысуа.


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org