13.05.2022
Аҧсны Аҳәынҭқарра Ахада Аслан Бжьаниа Аҳәынҭқарратә Дума атәылахьчаразы аилак ахантәаҩы Андреи Картаполови адуматә еилакы алахәҩы Олег Колесникови злахәыз аиҿцәажәарақәа мҩаҧигеит.
Картаполови Колесникови Аҧсны Жәлар Реизара - Апарламенти Урыстәылатәи Афедерациа Афедералтә Еизара Аҳәынҭқарратә Думеи реимадаразы адепутаттә гәыҧ хаҭарнакра азыруеит.
Ирылацәажәеит ҩ-ганктәи аусеицура азҵаатәқәа, урҭ рхыҧхьаӡараҿы иҟан аҧсны-урыстәылатәи аҳәынҭқарратә ҳәаа ахысра армариа азҵаарагьы. Аҳәынҭқарра Ахадеи урыстәылатәи апарламентариеи зҿлымҳара арҭеит аҧхьаҟатәи ҩ-ганктәи астратегиатә усеицура арҭбаара.
Аиҧылара иалахәын Ахада Ихаҭыҧуаҩ Бадра Гәынба, Ахада Иадминистрациа Анапхгаҩы Алхас Кәыҵниа, уи ихаҭыҧуаҩ Зураб Қаџьаиа.
"Ҳара гәҭакыс иҳамоуп – Аҧсны ашьхаҳаракырақәа зеиҧшыҟам рыҧшӡара шәырбара, ҳтәыла ауааҧсыра реиԥш, адунеи зегьы аҟны ари аҧшӡара аҭҵааразы агәаҳәара рызцәыргара”.
