Аслан Бжьаниа Урыстәылатәи Афедерациа Ахада В. В. Путин Аиааира амш идиныҳәалеит

Аслан Бжьаниа Урыстәылатәи Афедерациа Ахада В. В. Путин Аиааира амш идиныҳәалеит

Аԥсны Аҳәынҭқарра Ахада Аслан Бжьаниа Урыстәылатәи Афедерациа Ахада В. В. Путин Аиааира амш идиныҳәалеит.

«Ҳаҭыр зқәу Владимир Владимир-иҧа!

Аҧсны жәлар зегьы рыхьӡала, хаҭала  сара сыхьӡала ҳаҭырла ҳшышәзыҟоу азгәаҭо, гәык-ҧсык ала ишәыдысныҳәалоит Аџьынџьтәылатә еибашьра Ду аҟны Аиааира 77 ш. ахыҵра амш.
Аџьынџьтәылатә еибашьра Ду еилгеижьҭеи иага аамҭа царгьы, ҳара ҳажәларқәа ҳаҭырла иргәаладыршәоит Аҧсадгьыл ахьчареи ахьыҧшымреи иазықәԥоз, анацизм иаиааиз еицакра зқәым ҳаибашьцәа  рфырхаҵара.
Агәра згоит, Аиааира ҳзаазгаз ҳьӡи-ԥшеи згым абиҧара ргәалашәара аԥхьаҟагьы   ҳажәларқәа реиҩызареи ргәылеимабзиареи рзы ишьақәгылаз атрадициақәа реихаҳара ишацхраало.
Иԥшьоу Аиааира Ду амш аҽны акыр иаҧсоу аветеранцәа ирзеиӷьасшьарц сҭахуп агәабзиара, ашықәс рацәа.

Ҳаҭыр зқәу Владимир Владимир-иҧа, абри аныҳәамш азы имариам шәус аҟны ишәзеиӷьасшьар сҭахуп аихьӡарақәа, Урыстәылатәи Афедерациа ауаажәларра - аҭынчреи, аизҳазыӷьареи».


Возврат к списку