Аҧсны Аҳәынҭқарра Ахада

 

Ахада Хазреҭ Совмен иубилеи идиныҳәалеит

01.05.2022

Лаҵарамза 1 азы ииубилеи азгәеиҭоит Адыгеиа Ареспублика ԥасатәи ахада Хазреҭ Совмен.  

Аԥсны Аҳәынҭқарра Ахада Аслан Бжьаниа ҭелла Хазреҭ Меџьиҭ-иԥа 85 шықәса ихыҵра амш идиныҳәалеит.

«Ҳаҭыр зқәу Хазреҭ Меџьиҭ-иԥа, гәыблыла ишәыдысныҳәалар сҭахуп Шәиубилеитә рыцхә.

Апатриот иаша, иналукааша анапхгаҩы, Шәара шәылшамҭақәа изныкымкәа иҳараку аҳамҭақәа рыла иазгәарҭахьеит.

Шәара шәыԥсҭазааратә принципқәа рзы, ишәылоу ауаҩразы, ауаҩы ихаҵгыларазы, иаашәырԥшуа аразразы гәыкала ҳаҭыр шәықәырҵоит. Агәыҳалалра иадҳәалоу Шәара шәыԥсҭазааратә мҩа ауаажәларра рыҩныҵҟа хьӡык соуп ҳәа акәымкәа, гәыла, ишәҭахны шәаҿуп, убри аан ауаҩы шәизааигәоуп есқьынгьы.

Ирацәоуп шәлагаламҭа Адыгеиа Ареспублика аҿиараҟны, шәыхьӡ бзианы ирдыруеит Урыстәылатәи Афедерациаҟнеиԥш, уи анҭыҵгьы.  

Ҳаҭыр зқәу Хазреҭ Меџьиҭ-иԥа, Аԥсны Аҳәынҭқарраҟны иҭабуп ҳәа ахырҳәаауеит ҳтәыла иашәҭо ацхырааразы. Аԥсны жәлар Шәара ҩыза дук иаҳасабала ҳаҭыр шәықәырҵалоит есқьынгьы.

Абри аныҳәамш аҽны ишәзеиӷьасшьар сҭахуп агәабзиара, агәамч, еицакра ақәымзааит шәнапы злаку аус».


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org