Аҧсны Аҳәынҭқарра Ахада

 

Ахада Аҳәынҭстатистика азҵаарақәа рзы аиҧылара мҩаҧигеит

06.04.2022

Ахада Аҳәынҭстатистика азҵаарақәа рзы аиҧылара мҩаҧигеит

Аԥсны Аҳәынҭқарра Ахада Аслан Бжьаниа аҳәынҭқарратә статистика азҵаатәқәа ирызкны аминистррақәеи аусбарҭақәеи рхаҭарнакцәа алархәны аиҧылара мҩаҧигеит .
Аҳәынҭқарра Ахада дазааҭгыланы иазгәеиҭеит Аҳәынҭқарратә статистика аилак арбагақәа рыла, еиуеиҧшым аҳәынҭқарратә усбарҭақәа иаарго аинформациа аганахьала аекономика аҟәшақәак рыҟны аивгарақәа шыҟоу.

Аслан Бжьаниа иаҵшьны иҳәеит ас ҟалашьа шамам. "Аинфомациа акызароуп, атәыла асоциалтә-економикатә ҿиара апрограмма шҳадаҳкылахьо ала, аханатә ахықәкытә рбагақәа ралыршараҟны астатистиказы аҳәынҭқарратә еилакы иҟанаҵо азгәаҭақәа ҳасаб рзулазароуп "- иҳәеит Ахада.
Аҳәынҭқарра Ахада аиҳабыра реилазаара адҵа риҭеит Аҳәынҭқарратә статистика аилак алархәны аҳәынҭқарратә статистика ашьақәыргыларазы азнеишьақәа аиҭарыхәаҧшразы.

Аиҧылара иалахәын Ахада Иадминистрациеи ақалақьқәеи араионқәеи рхадацәа.


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org