Аҧсны Аҳәынҭқарра Ахада

 

Аслан Бжьаниа Лугансктәи Жәлар Рреспублика Ахада Л. И. Пасечник ихьӡала адныҳәаларатә цҳамҭа ишьҭит

22.02.2022

Аҧсны Аҳәынҭқарра Ахада Аслан Бжьаниа Лугансктәи Жәлар Рреспублика Ахада Л. И. Пасечник ихьӡала адныҳәаларатә цҳамҭа ишьҭит.                                        
        
«Ҳаҭыр зқәу Леонид Иван-иԥа,

Гәык-ԥсык ала ишәыдысныҳәалоит Лугансктәи Жәлар Рреспублика Урыстәылатәи Афедерациа аганахьала иаиуыз ахьыԥшымреи асуверенитети разхаҵара.
Лугансктәи Жәлар Рреспублика атәылауаа рзы лахьынҵаӡбаганы иаҟалаз Урыстәыла иаднакылаз аҭоурыхтә ҵакы змоу азыӡба, аҳәынҭқарратәра ашьақәыргылареии аҿиареи рзы хаҭабзиарала иҿыцу аамҭа иазҳәоуп.

Аибашьра ду зхызгаз Аԥсны жәлар, даҽаӡәы еиԥшымкәа еилыркаауеит Лугансктәи Жәлар Рреспублика ауааԥсыра рыдгьыл гәакьа аизҳазыӷьаразы ирымоу агәазыҳәара.
  
Ҳаҭыр зқәу Леонид Иван-иԥа, абри аҭагылазаашьа схы иархәаны, Лугансктәи Жәлар Рреспублика иқәынхо ауааԥсырагьы Шәаргьы Аԥсны жәлар рыхьӡала, хаҭала сара сыхьӡала ишәзеиӷьасшьоит аҭынчра, ахирра, аизҳазыӷьара».
  


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org