Аҧсны Аҳәынҭқарра Ахада

 

Ахада Аԥсны Аиашахаҵаратә Ныха Ахеилак Ахантәаҩы Аԥшьаҩы еиҳабы Бассариан Аԥлиаа ииубилеи идиныҳәалеит

15.02.2022

Аԥсны Аҳәынҭқарра Ахада Аслан Бжьаниа Аԥсны Аиашахаҵаратә Ныха Ахеилак Ахантәаҩы Аԥшьаҩы еиҳабы Бассариан Аԥлиаа ииубилеи идиныҳәалеит.

Адныҳәалара атекст аҟны иҳәоуп:

"Аб Бассариан, Шәхацкы!

Гәык-ԥсык ала ишәыдысныҳәалоит 75 шықәса шәхыҵра иазку шәиубилеитә рыцхә!

Шәыҧсҭазаара ззышәкыз Анцәа имаҵзура адоуҳамчи ахамеигӡареи аҭахуп. Шәара ауаа рганахьала иҟашәҵо азҿлымҳареи, арыцҳашьареи, еихсыӷьра змам шәныҳәаҧхьыӡқәеи рыла шәнапы иану аус азыҟазаашьеи ажәлар рахь ишәымоу абзиабареи рзы ҿырԥшыганы бзианы шәыҟан есқьынгьы.

1992-1993 шш. Аԥсны Аџьынџьтәылатә еибашьраан ҳажәлар ргәышьҭыхреи, иара убас аибашьра ашьҭахьтәи ашықәсқәа рзы Аԥсны Аиашахаҵаратә Ныха арӷәӷәареи ирызку Шәара шәылшамҭақәа аҳаҭырқәҵара дуӡӡа шәаԥсаны шәҟарҵеит.  

Аҵакы змоу абри амш аҽны ишәзеиӷьасшьоит ашықәс рацәа, шәнапы иану аус ду аҟны Анцәа илԥха шәыгымзааит!"


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org