Аҧсны Аҳәынҭқарра Ахада

 

Аслан БЖЬАНИА Анатоли БИБИЛОВ Иира амш идиныҳәалеит

06.02.2022

Аԥсны Аҳәынҭқарра Ахада Аслан БЖЬАНИА Алада Уаԥстәыла Ахада Анатоли БИБИЛОВ Иира амш идиныҳәалеит.

Ҭелла аицәажәараан Аслан Бжьаниа Анатоли Илиа-иԥа изеиӷьеишьеит агәабзиара, агәамч, иазгәаҭаны имоу ахықәкқәа рынагӡара.  
Аҳәынҭқарра Ахада  Аԥсны жәлари иара хаҭала  рыхьӡалеи Алада Уаԥстәыла Ахада ишҟа адныҳәаларатә цҳамҭа дәықәиҵеит.

Адныҳәаларатә цҳамҭаҟны иҳәоуп:

«Ҳаҭыр зқәу Анатоли Илиа-иԥа,

Шәымшира аҽны гәыблыла сшәыдныҳәалар сҭахуп.

Шәара ахара иҧшуа, цәхьаҵрак ҟамҵакәа илышәхыз амҩа иану, ажәлар рыԥсҭазаара аиӷьтәра иазку акыр иуадаҩу аҳәынҭқарратә зҵаарақәа шәаны-изаны рызнеирала қәҿиарала рыӡбара зылшо политикуп.

Шәара шәнапхгарала Алада Уаҧстәыла жәларбжьаратәи аренаҿы иааннакыло аҭыԥ  шьақәнарӷәӷәоит, аҳәаанырцәтәи аҳәынҭқаррақәа рыҟны аимадара аҳәаақәа рырҭбаарала.

Ҳаҭыр зқәу, Анатоли Илиа-иҧа, сара рыхә ҳаракны исшьоит ҳаиашьаратә ҳәынҭқаррақәа рыбжьара ишьақәгылаз жәларбжьаратәи аизыҟазаашьақәа, иара убас Шәара хаҭала шәлагала аҧсуа-ауаҧстә усеицзура арӷәӷәараҟны.

Аҵак ду змоу ари амш аҽны Аҧсны жәлар рыхьӡала, хаҭала сара сыхьӡала  ишәзеиӷьасшьоит еицакра зқәым аҧсҭазааратә гәацҧыҳәара, аизҳазыӷьара, шәыгәҭакқәа зегьы рынагӡараҿы аихьӡара».


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org