Аҧсны Аҳәынҭқарра Ахада

 

Ахада Аԥсны жәлар, ақьырсиан иашахаҵара ныҟәызго атәылауаа Қьырса ныҳәа рыдиныҳәалеит

07.01.2022

Аԥсны Аҳәынҭқарра Ахада Аслан Бжьаниа Аԥсны жәлар, ақьырсиан иашахаҵара ныҟәызго атәылауаа Қьырса ныҳәа рыдиныҳәалеит.

«Акыр иаԥсоу ҳауаажәлар!

Гәык-ԥсык ала ишәыдысныҳәалоит Кьырса ныҳәа лаша.  Ари ауаа рыгәқәа, нцәахаҵарала, лыԥхала, гәырӷьарыла изырҭәуа ныҳәоуп.
Кьырсаныҳәа амшқәа ҳара адоуҳамч, инарҵауланы арыцҳаибашьара, аихӡыӡаара, бзиа аибабара реиԥш иҟоу хра злоу аҵасқәа рызхәыцразы аҭагылазаашьа ҳарҭоит.

Адунеи зегьы иахьагьы изҿагылоу аҿкы чымазара COVID-19 иаҳнарбеит ауаажәларразы аицхыраара, аидгылара, аилибакаара иамоу аҵакы. Қьырсаныҳәа лаша иаҳнаҭоит ҳара аиҭакра бзиақәа рзы агәыӷрақәа, аихьӡара ҿыцқәа ҳгәы рызҭарҵоит.

Қьырса азгәазҭо Аԥсны жәлар зегьы ирзеиӷьасшьоит ҩнаҭацыԥхьаӡа аҳәоуеиқәшәара, анасыԥ, агәыхәтәыхьӡара.».
    


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org