Аҧсны Аҳәынҭқарра Ахада

 

Аслан Бжьаниа Хьыбла Герзмаа лымшира лыдиныҳәалеит

06.01.2022

Аԥсны Аҳәынҭқарра Ахада Аслан Бжьаниа Аԥсны жәлар рартист Урыстәыла жәлар рартист Хьыбла Герзмаа лымшира лыдиныҳәалеит.

Адныҳәаларатә цҳамҭаҟны иҳәоуп:

«Ҳаҭыр зқәу Хьыбла Леуарса-иԥҳа, гәык-ԥсыка ала ишәыдысныҳәалоит Шәира амш!  

Шәара ишәхоу зеиԥш маҷу абжьы хаа ргәы ҟанаҵоит, ргәы еизнарҳауеит адунеи аҿы миллионла ауаа. Шәара  шәыԥшӡареи шәбаҩхатәра дуи рыла амузыкатә ҟазара зыԥсҭазаара азызкыз рзы ҿырԥшыга бзианы шәыҟоуп. Шәара шәықәгыларақәа адунеи асцена дуӡӡақәа рытҟәара рылшоит, идыршанхоит,
Шәара Аԥсны жәлар бзиа шәырбоит, ҳаҭыр дугьы ақәырҵоит шәыԥсадгьыл ахь ишәымоу агәбылра, ахӡыӡаара.

Ҳаҭыр зқәу Хьыбла Леуарса-иԥҳа, акрызҵазкуа абри амш аҽны гәыкала ишәзеиӷьасшьарц сҭахуп шәнапы злашәкуа аусқәа зегьы рыҟны аихьӡарақәа, арҿиаратә иааира ҿыцқәа.».


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org