Аҧсны Аҳәынҭқарра Ахада

 

Ахада аԥсуа интеллигенциа злахәыз аиԥылара мҩаԥигеит

23.11.2021

Ахада аԥсуа интеллигенциа злахәыз аиԥылара мҩаԥигеит

Аԥсны Аҳәынҭқарра Ахада Аслан Бжьаниа имҩаԥигеит Аԥсны аҭҵаарадырреи акультуреи русзуҩцәа злахәыз аизара.

Ахада аиԥылара иалахәыз аԥсшәа раҳәо, иазгәеиҭеит:

"Аинтеллигенциа ҳҳәынҭқарра аҿиараҟны алагаламҭа дун есқьынгьы. Ҳара ҳтәыла ахаанахыс иуадаҩыз аамҭақәа ирҭагылан, аҿаԥхьа иқәгылан иӡбатәыз азҵаарақәа жәпакы. Аус еицаҳуроуп, ҳгәаанагарақәа еибаҳҳәалроуп аԥхьаҟатәи ҳусқәа рзы".
Акультуреи аҭҵаарадырреи рзы Ахада иабжьгаҩ Нугзар Логәуа атәыла анапхгара азхьарԥшны далацәажәеит апандемиаан ашколқәа, арҵаҩцәа, акультура аусхк аҟны иҟоу русура шуашәшәыроу.  
ААУ аректор Алеко Гәарамиа иҳәеит апандемиа инамаданы амедицинеи абиохимиеи ркафедра аартра аҭахны ишыҟалаз ауниверситет аҟны, ААУ аҟны аҵара аҳаҭыри ахаҭабзиареи аҵара иашьҭаланы атәыла анҭыҵ ицо аҿар раанкылара иацхраауеит азы.  
АПР адиректор Арда Инал-иԥа иазгәалҭеит ажәлар ркультуреи рхаҿреи реиқәырхараҟны абызшәа инанагӡо ароль. Уи лажәақәа рыла аӡыргарақәеи акыдҩыларақәеи абызшәа аганахьала ахылаԥшра шырҭаху.  
Аҭоурыхҭҵааҩ Валери Бигәаа ажәалагала ҟаиҵеит Аԥсны абыргцәа-ақәра ду нызҵыз рсиа шьақәыргыланы урҭ рыԥсҭазаашьеи рнысмҩеи аарԥшразы, алацәажәаларазы.  
Ашәҟәыҩҩы Даур Начҟьебиа иқәгылараҟны иҳәеит: "Ҳара ҳҳәынҭқарра ахырбгалара зылшо артҟацга аҵоуп. Ҳхәынҭқарраҟны амчқәыӷәӷәара аҳәаа шьақәзыргыло алкааны иҟаӡам, ари ауп изыхҟьо ақәгыларақәеи ахада иахҳәареи. Аԥсны европатәи аҳәынҭқарра знысыз амчқәыӷәӷәара амҩа изанысӡом. Ҳара ҳҿы амассатә еизарақәа  амчқәа ахырҳәар рылшоит, ас еиԥш иҟоу ахҭысқәа рышьҭахь «жәларызегьтәи реизара» аидеиа рхы иархәаны амчрақәа рыԥсахра зылшо ауаа рхыԥхьаӡара есааира имаҷхоит. Ахәмарра аԥҟарақәа аԥҵатәуп.  «Жәлар реизара» аҵакы шьақәыргылатәуп, агьыс ари ажәеицааира аилахәаахәҭра ҟазшьа амоуп»  
Аиԥылара иалахәыз рыҩныҵҟа тема хаданы иҟан Нестор Лакоба имузеи аиҭашьақәыргылара азҵаара.  
"Ари аҭоурыхи арепрессиақәеи ирмузеиуп. Ари Қырҭтәылеи адунеитә уаажәларреи рыҟны аимак-аиҿак аҟны аргументуп." – иҳәеит АҬР Адиректор ЦСИ Виачеслав Чрыгба.
Ахада иҳәеит Нестор Лакоба ихьӡ зху амузеи аиҭашьақәыргылара шазгәаҭоу 2022 шықәсазы. Иара убас иазгәеиҭеит Нестор Лакоба иҭаацәа,  иԥшәмаԥҳәыс Сариеи иԥа Рауфи рбаҟа ашьақәыргылара иамоу аҵак ду. "Ари аҭаацәа, аиашаг, аҭаацәа раҳаҭыр зыхьчоз Сариа лхамеигӡара ирызку аҵабырг ауп. Ақалақь ахада Беслан Ешба адҵа иҭоуп ари апроект аҭыԥ азы. Аусура хацыркуп".


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org