Аҧсны Аҳәынҭқарра Ахада

 

Ахада Иадминистрациаҟны имҩаԥысит Алада Уаԥстәыла аделегациа злахәыз инарҭбаау аиԥылара

30.10.2021

АА Ахада Иадминистрациаҟны имҩаԥысит Анатоли Бибилов напхгара ззиуа Алада Уаԥстәыла аделегациа злахәыз инарҭбаау аиԥылара.
Аладауаԥстәылатәи аделегациа аилазаараҟны иҟоуп атәылахьчара аминистр Ибрагим Гасеев, адәныҟатәи аусқәа рминистр Дмитри Медоев, ахада иабжьгаҩ Дмитри Атрошьенко, Аԥсны иҟоу Азинмчы змоу Алада Уаԥстәыла Ареспублика ацҳаражәҳәаҩ Олег Боциев.  

Аԥсуа ган аҟнытә аиԥылара иалахәын Аԥсны Ахада Аслан Бжьаниа, Ахада ихаҭыԥуаҩ Бадра Гәынба, аԥыза-министр Александр Анқәаб, аԥыза-министр актәи ихаҭыԥуаҩ Беслан Џьапуа,  Ахада Иадминистрациа анапхгаҩы ин.н. Зураб Қаџьаиа, адәныҟатәи аусқәа рминистр Даур Ақаҩба, атәылахьчара аминистр Владимир Ануа, Алада Уаԥстәыла иҟоу Азинмчы змоу Аԥсны Аҳәынҭқарра ацҳаражәҳәаҩ Алан Елбакиев.

Аслан Бжьаниа Алада Уаԥстәыла Ареспублика асасцәа аԥсшәа реиҳәеит: «Иҭабуп ҳәа шәасҳәоит ҳара ҳзы аҵак ду змоу амш аҽны шәахьҳадгылоу. Ҳара аиашьаратә еизыҟазаашьақәа ҳабжьоуижьҭеи акрааҵеит. Ҳажәларқәа ирыбжьоу агәбылреи аҳаҭыреиқәҵареи аҭоурыхтә хыҵхырҭақәа рымоуп. Ҳара арҭ аҟазшьақәа игыло абиԥарақәа рымадаразы иҳалшо зегьы ҟаҳҵоит», - иҳәеит аҳәынҭқарра ахада.

  Анатоли Бибилов зегьы Аиааиреи Ахьыԥшымреи рымш рыдиныҳәалеит. «Ҳтәылақәа ирыбжьоу аизыҟазаашьақәа агәра ҳдыргоит урҭ аҿиара шроуа аԥхьаҟагьы. Ҷыдала иазгәаҭазар сҭахуп адәныҟатәи аусқәа рминистррақәеи атәылахьчара аминистррақәеи русеицура ду. Абри аҩыза аҿиара аиур ҳҭахуп акультура аусхкгьы. 1945 шықәсазы аԥсуа театр иқәнаргылеит ауаԥс спектакль «Амаҳә». Сгәы иаанагоит ҳатеатрқәа рԥышәеимдара аус адулара аҭахуп ҳәа. Иара убас акәашаратә ансамбльқәагьы рганахьала. Ирацәоуп ҳусеицура, ҳаимадара зырӷәӷәо ахырхарҭақәа», - иҳәеит иара.


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org