Аҧсны Аҳәынҭқарра Ахада

 

Аԥсны Аҳәынҭқарра Ахада Аслан Бжьаниа Аиааиреи Ахьыԥшымреи рымш азы Аԥсны жәлар Ааԥхьара ҟаиҵеит

30.09.2021

Аԥсны Аҳәынҭқарра Ахада Аслан Бжьаниа Аиааиреи Ахьыԥшымреи рымш азы Аԥсны жәлар Ааԥхьара ҟаиҵеит

Аԥсны Аҳәынҭқарра Ахада Аслан Бжьаниа Аиааиреи Ахьыԥшымреи рымш азы Аԥсны жәлар Ааԥхьара ҟаиҵеит.


"Акыр иаҧсоу Аҧсны жэлар!
Ишәыдысныҳәалоит Аиааиреи Ахьыҧшымреи рымш!

Аамҭа цацыҧхьаӡа еиҳагьы иаҳныруеит зыҧсҭазаара ари амш иахҭнызҵаз рлахьынҵа, ҳазхәыцуеит зны-зынла ухаҿы иузаамго урҭ рыгәаҕьра, рхамеигӡара. Урҭ Ҳаҧсадгьыл азы ирылшаз ахә шәашьа амаӡам! Жәлар рҧыза Владислав Арӡынба инапхгарала еиқәдырхеит ҳ-Аҧсынра.
Иҭабуп ҳәа раҳҳәоит аҧсуа жәлар ыҟазааразы аҧсра иазцоз ҳветеранцәа, урҭ ирыдгылаз, хатәгәаҧхарала иаҳзааз, иара убас егьырҭ амилаҭқәа рхаҭарнакцәа. Хашҭра ақәӡам урҭ рфырхаҵара, ргәымшәара, реидгылара!

Иахьа, Аҧсны еиуеиҧшым ахырхарҭақәа рыла аҿиарамҩа иқэлартэ аҭагылазаашьа амоуп. Убри зегьы зыбзоуроу, ҳаҭыр зқәу сыуаажәлар, шәара шәоуп.
Ҳара иҳамоуп ҳзықәгәыӷша аҿар! Х,ҳәынҭқарра иаҵеицәа хьӡырҳәагақәаны иҟалааит!

Ирацәахааит шәгәы шьҭызхша, уаҵәтәи амш агәрагара шәызҭаша ахҭысқәа, шәыҩнаҭақәа агәырӷьа-ччара агымзаит.

Ҳаҭыр зқәу сыуаажәлар,  Аҧсны Аџьынџьтәылатә еибашьра аветеранцәа, ҳаҧсадгьыл Аҧсны зхы ақәызҵаз ҳаибашьцәа – фырхацәа рҭаацәа, гәык-ҧсык ала ишәыдысныҳәалоит Аиааиреи Ахьыҧшымреи рымш.

Нагӡара рықәзааит Аҧсни аҧсуа жәлари!"


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org