Аҧсны Аҳәынҭқарра Ахада

 

Владимир Путин Аслан Бжьаниа Аиааиреи Ахьыԥшымреи рымш идиныҳәалеит

29.09.2021

Урыстәылатәи Афедерациа Ахада Владимир Путин Аԥсны Аҳәынҭқарра Ахада Аслан Бжьаниа амилаҭтә ныҳәа идиныҳәалеит.

Адныҳәалараҟны иҳәоуп:

«Ҳаҭыр зқәу Аслан Гьаргь-иԥа, гәык-ԥсык ала ишәыдысныҳәалоит Аԥсны амилаҭтә ныҳәа - Аиааиреи Ахьыԥшымреи рымш.
Ҳҳәынҭқаррақәа ирыбжьоу аизыҟазаашьақәа аҿиара иаҿуп аидгыларатә, астратегиатә ҟазшьа рыманы. Агәра згоит наҟ-ааҟ ҳалшарақәа еидҵаны аԥхьаҟагьы ахырхарҭақәа зегьы рыла ҩ-ганктәи аусеицура есааира ишацаҳҵало, ишҳарӷәӷәало.

Урыстәыла ҳҩызцәа аԥсуаа ганрацәала рыцхыраара иацнаҵоит актуалра змоу аекономикатә, асоциалтә ҳасабтәқәа рыӡбараҟны, иара убас амилаҭтә шәарҭадара аиқәырхараҟны.

Гәыкала ишәзеиӷьасшьоит агәабзиара, аихьӡарақәа, Аԥсны атәылауаа зегьы – аҭынчреи аизҳазыӷьареи».


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org