Аҧсны Аҳәынҭқарра Ахада

 

Ахада Атәылахьчара аминистрра аилазаара Аиааира амш рыдиныҳәалеит

27.09.2021

Аҧсны Аҳәынҭқарра Ахада Аслан Бжьаниа Аҧсны Аҳәынҭқарра Атәылахьчара аминистрра аилазаара Аиааира амш 28 шықәса ахыҵра рыдиныҳәалеит.

“Аҩызцәа аофицерцәа!

Ҳара ҳтәыла аҭоурых адаҟьақәа рҿы ирацәоуп ҳҳәынҭқарра аиқәырхареи ашьақәгылареи  рыҟны аҵакы ӷәӷәа змоу арыцхәқәа.

Жәаҳәарада, ҳара ҳзы аныҳәақәа зегьы ирныҳәоуп - 1992-1993 шш. Аҧсны Аџьынџьтәылатә еибашьраҿы игаз Аиааира амш.

Аҧсны иҟаӡам ҭаацәарак, аибашьра агәаҟра ззаанамгаз, ирацәаҩуп  иреиҕьыз Аҧсны арҧарцәеи аҭыҧҳацәеи рыҩныҵҟа ари амш зыҧсҭазаарақәа ахҭнызҵаз.  

Зегьы ҳара иаҳҿагылан.  Адунеитә уаажәларра иаартны Қырҭтәыла иадгыланы ҳпозициа алаҳәаразы азин ҳамырхырц иаҿын.

Ҳамчқәа зегьы еибыҭаны, аӡәк еиҧш ҳанеидгыла, ҳажәлар ирылшеит иҟаз аҧынгылақәа зегьы риааира. Аамҭа хьанҭа ҳашҭагылазгьы, иаарласны арратә напхгареи архәҭақәеи реиҿкаара ҳалшеит. Аҧсны Аҳәынҭқарра Арбџьармчқәа еиҿкаау еилазаарак аҳасабала рхы аадырҧшит, адгьыл аҟнеиҧш, аҳауаҟны, аӡаҟны иарбанзаалак ицәырҵуаз аҳасабтәқәа рыӡбара рылшеит.

Илҵшәадаз, итрагедиатәыз ажәыларақәа шыҟазгьы, ҳара ҳархәҭақәа рнапхгара ирылшеит амчқәа реизгара, аӷа дҧыххаа иқәҵара.

Ҳажәлар реиқәырхараҟны иҷыдоу ароль нарыгӡеит Аҩадатәи-Кавказ ҳаиашьаратә жәларқәа, Урыстәылантәи хатәгәаҧхарала иааны иеибашьуаз, ҳџьынџьуаа Ҭырқәтәылантәи, Иорданиантәи,  Шьамтәылантәи уҳәа убас егьырҭ атәылақәа рҟынтәи. Ҳарҭ ахааназы иаҳхашҭуам ҳхьыҧшымра аагараҿы урҭ рлагаламҭа ду.

Аҭагылазаашьа схы иархәаны, исҭахуп Аҧсны Аҳәынҭқарра атәылахьчара аминистрра аилазаара, Аиааиреи аҭынчреи ҳзаазгаз ҳветеранцәа зегьы иҭабуп ҳәа расҳәарц сҭахуп, иара убас иҭабуп ҳәа расҳәоит инарыгӡо рмаҵзуарзы асолдаҭцәеи аофицерцәеи.
Ашәарҭадара азҵаараҟны ҳара ҳакзаара аҵак аҵак дуӡӡа амоуп.  

Иааиуа Аиааира амш шәыдысныҳәалоит!”


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org