Аслан Бжьаниа Москва ақ. ахада Сергеи Собианин ақалақь амш идиныҳәалеит

Аԥсны Аҳәынҭқарра Ахада Аслан Бжьаниа  Москва ақ. ахада Сергеи Собианин ақалақь амш идиныҳәалеит.

"Ҳаҭыр зқәу Сергеи Семион-иҧа!
Гәык-ԥсык ала ишәыдысныҳәалоит Ақалақь амш!

Ари аныҳәа неилых ҟамҵакәа еиднакылоит Москва бзиа избо, уи  иазгәдуу, зхатә џьабаала ахаҿра еиӷьызтәуа зегьы. Москва иадҳәалоуп афырхаҵаратә  иааирақәа реиԥш, иуадаҩу аҧышәарақәагьы.

Ҳазҭагылоу аамҭазы Москва - ақалақьуаа рыҧсҭазаара аиӷьтәразы зыда ԥсыхәа ыҟам аҭагылазаашьақәа аԥызҵо, иццакны аҿиара иаҿу мегаполисуп.

Абри амш ныҳәа аҽны, ҳаҭыр зқәу Сергеи Семион-иҧа,  москваа зегьы ирзеиӷьасшьарц сҭахуп анасыҧ, агәабзиара, зыхьӡ нагоу Москва - аизҳазыӷьара!"


Возврат к списку